कर्नाटकातील मंत्री आणि खासदारांनाही शिवप्रेमींच्या रोषाचा तडाखा! – the shivdurg conservation movement has stopped work on the construction project in kolhapur of karnataka minister shashikala jolle and her husband mp annasaheb jolle

कोल्हापूर : छत्रपती शिवाजी महाराजांच्या बंगळुरू येथील पुतळ्याच्या विटंबनेचे पडसाद रविवारीही कोल्हापूर शहरात उमटले. कर्नाटकातील मंत्री शशिकला जोल्ले आणि त्यांचे पती खासदार अण्णासाहेब जोल्ले यांच्या कोल्हापुरातील बांधकाम प्रकल्पाचे काम शिवदुर्ग संवर्धन आंदोलन संघटनेनं बंद पाडले. जोपर्यंत कर्नाटक सरकार दोषींवर कारवाई करत नाही, तोपर्यंत बांधकाम सुरू करू दिले जाणार नाही, असा इशारा यावेळी कार्यकर्त्यांनी दिला. (छत्रपती शिवाजी महाराज पुतळा)

बंगळुरू येथे दोन दिवसापूर्वी छत्रपती शिवाजी महाराज यांच्या पुतळ्याची विटंबना करण्यात आली. त्याचे पडसाद शनिवारी कोल्हापूर आणि सांगली जिल्ह्यात मोठ्या प्रमाणात उमटले होते. बेळगाव आणि सीमाभागातही या घटनेचा मराठी बांधवांनी जोरदार निषेध केला. कोल्हापुरात निदर्शने करतानाच कर्नाटकातील खासगी वाहनावर दगडफेक करून मोडतोड करण्यात आली.

पुण्यात अमित शहांची ठाकरे सरकारवर घणाघाती टीका; शिवसेनेबद्दल म्हणाले…

रविवारी दुपारी कोल्हापुरात शिवसेनेचे कार्यकर्ते एकत्र आले आणि त्यांनी मंत्री जोल्ले यांचे बांधकाम बंद पाडले. मंत्री जोल्ले व खासदार अण्णासाहेब जोल्ले यांचे कोल्हापूर येथील शाहू नाका येथे व्यापारी संकुलाचे बांधकाम सुरू आहे. तेथे जाऊन शिवसेनेच्या कार्यकर्त्यांनी कामगारांना हुसकावून लावले. जोपर्यंत कर्नाटक सरकार माफी मागत नाही, दोषींवर कारवाई करत नाही, तोपर्यंत हे काम सुरू होऊ देणार नाही, असा इशारा यावेळी देण्यात आला.

narayan rane: ‘मी बढाया मारत नाही’; नारायण राणे यांचे शिवसेनेवर जोरदार टीकास्त्र

दरम्यान, हर्षल सुर्वे यांच्या मार्गदर्शनाखाली झालेल्या आंदोलनात प्रदीप हांडे, शुभम जाधव, प्रणव पाटील, संकेत खोत, युवराज हल्दीकर, आकाश जाधव, अतुल सांगावकर, सुरज एकशिंगे, मंगेश शिंदे आदी कार्यकर्ते उपस्थित होते.