हायलाइट्स:

  • चेन हिसकावून पळणाऱ्या चोरट्याला महिलेने पकडले
  • चोरट्याला नागरिकांच्या मदतीने पकडून रेल्वे पोलिसांच्या दिले ताब्यात
  • कल्याण रेल्वे स्थानक परिसरातील धक्कादायक प्रकार
  • रेल्वे पोलिसांनी केली चोरट्याला अटक, गुन्हा दाखल

कल्याण : रेल्वे रुळांलगतच्या रस्त्याने पायी जाणाऱ्या महिलेच्या गळ्यातील चेन हिसकावून पळ काढण्याच्या प्रयत्नात असताना, महिलेने प्रसंगावधान राखून चोरट्याला इतर नागरिकांच्या मदतीने पकडले. त्यानंतर त्याला रेल्वे पोलिसांच्या ताब्यात दिले. कल्याण रेल्वे स्थानक परिसरात सोमवारी दुपारी ही घटना घडली.

मिळालेल्या माहितीनुसार, उल्हासनगरमधील महिला कल्याण रेल्वे स्थानकाजवळील रुळांलगतच्या रस्त्याने पायी जात होती. त्याचवेळी चोरट्याने तिचा पाठलाग केला. तिच्या गळ्यातील चेन हिसकावून पळ काढला. मात्र, महिलेने धाडस दाखवून इतर काही नागरिकांच्या मदतीने चोरट्याला पकडून रेल्वे पोलिसांच्या ताब्यात दिले. उमाशंकर पांडे असे या चोरट्याचे नाव आहे. कल्याण जीआरपी या घटनेचा पुढील तपास करत आहेत.

मोबाईल चार्जरच्या वायरने हात बांधले; युवकाची स्वत:च्या घरातच गळा दाबून हत्या
जावईबापूचा सासुबाईच्याच दागिन्यांवर डल्ला; पण नशिबाने घात केला आणि…

गेल्या काही दिवसांपासून चोरी आणि लुटीच्या घटनांमध्ये वाढ झाली आहे. विशेषतः रेल्वे परिसरात गुन्हेगारी वाढल्याने पोलिसांची चिंता वाढली आहे. चोरी आणि चेन स्नेचिंगच्या गुन्ह्यात सहभागी असलेल्या डझनभर चोरट्यांना कल्याण रेल्वे पोलीसांनी अटक केली आहे; मात्र त्यानंतरही चोरीच्या घटना घडतच आहेत. अशीच एक घटना सोमवारी दुपारी कल्याण रेल्वे स्थानक परिसरात घडली. उल्हासनगरमध्ये राहणाऱ्या वॉलसमा जॉर्ज या काल दुपारच्या सुमारास रेल्वे रुळांजवळच्या रस्त्यावरून जात असताना एका चोरट्याने त्यांचा पाठलाग केला. संधी साधून जॉर्ज यांच्या गळ्यातील महागडी चेन हिसकावून चोरट्याने पळ काढला. जॉर्ज यांनी आरडाओरड करत चोरट्याचा पाठलाग सुरू केला. काही नागरिकांच्या मदतीने या चोरट्याला पकडून कल्याण जीआरपीच्या ताब्यात दिले. या प्रकरणी कल्याण जीआरपीने गुन्हा दाखल केला आहे. उमाशंकर पांडे असे या चोरट्याचे नाव आहे. याबाबत कल्याण जीआरपीच्या पोलीस अधिकारी अर्चना दुसाने यांनी सांगितले की, पांडेविरोधात गुन्हा दाखल करण्यात आला आहे. त्याच्याविरोधात याआधी देखील एक गुन्हा दाखल आहे. याआधी त्याने आणखी चोऱ्या केल्यात का, याचा तपास पोलीस करत आहेत.

धक्कादायक! कौटुंबिक वाद सुरू होते, चौघांनी रात्री ‘त्यांना’ रेल्वे स्थानक परिसरात गाठलं अन्…
Mumbai Crime News : धक्कादायक! कॉलनीत उभा होता तरूण, बाइकवरून आलेल्या दोघांनी पिस्तुल रोखले अन्..

LEAVE A REPLY

Please enter your comment!
Please enter your name here