ratnagiri: Ratnagiri News : ‘त्या’ तरूणाने पुलावरून समुद्रात उडी मारली, बघता बघता… – ratnagiri youth jump off into sea from bhatye bridge saves life him by locals

रत्नागिरी: रत्नागिरीतील राजीवडा येथील भाट्ये पुलावरून तरूणाने समुद्रात उडी मारली. आत्महत्येचा प्रयत्न करणाऱ्या या तरूणाला काही तरूणांनी वाचवले. मंगळवारी दुपारी ही घटना घडली. मच्छिमार तरूणांच्या सतर्कतेमुळे या तरूणाचे प्राण वाचले आहेत. सर्व स्तरांतून त्यांचे कौतुक होत आहे.

मिळालेल्या माहितीनुसार, आज, मंगळवारी दुपारी १२ वाजताच्या सुमारास भाट्ये पूल येथे ही घटना घडली. येथील एका तरूणाने पुलावरून समुद्रात उडी घेऊन आत्महत्येचा प्रयत्न केला. स्थानिक मच्छिमार तरूणांच्या सतर्कतेमुळे या तरूणाला वाचवण्यात यश आले आहे.

Dombivli News : डोंबिवलीतील काँग्रेस कार्यालयाची अज्ञात व्यक्तींकडून तोडफोड
Kalyan : रेल्वे ट्रॅकजवळील रस्त्याने भरदुपारी महिला चालत जात होती, इतक्यात…

भाट्ये पुलावरून एका तरुणाने समुद्रात उडी मारुन आत्महत्येचा प्रयत्न केला. होडीच्या साह्याने काही मच्छिमार तरूणांनी त्याचा जीव वाचवला, असे स्थानिकांकडून सांगण्यात आले. आफान रऊफ वस्ता, अरमान नजीर होडेकर, सलमान नजीर होडेकर अशी दक्ष मच्छिमार तरूणांची नावे आहेत. याबाबत माहिती अशी की, एका तरूणाने दुपारी १२ वाजताच्या सुमारास राजीवडा-भाट्ये पुलावरून समुद्रात उडी मारून आत्महत्येचा प्रयत्न केला. तेथील तरूणांनी ही घटना बघितली. त्यांनी तात्काळ मदतीसाठी धाव घेतली. होडीच्या मदतीने तरूणांनी आत्महत्या करणाऱ्या तरुणाला बाहेर काढले. दरम्यान, या पुलावरून अनेकांनी समुद्रात उडी घेऊन आत्महत्या करण्याचा प्रयत्न केला आहे. येथील स्थानिक मच्छिमारांनी अनेकांचे प्राणही वाचवले आहेत. मच्छिमारांनी दाखवलेल्या या प्रसंगावधानाबद्दल त्यांचे सर्वत्र कौतुक होत आहे.

‘ती’ प्लॅटफॉर्मवरूनच प्रवाशाचा पाठलाग करत होती, गर्दीने भरलेल्या लोकलमध्ये चढली अन्…
रत्नागिरी: बाणकोट किल्ल्यावर सापडला ऐतिहासिक ठेवा