jeans wash units demolished: Kalyan News : जीन्स वॉश कारखान्यांवरील कारवाई यापुढेही सुरूच राहू द्या; ग्रामस्थांची अपेक्षा – jeans wash units demolished in malanggad area near kalyan ordered by tehsildar

कल्याण : कल्याणजविल मलंगगड परिसरात सरकारी जमिनींवर जीन्स धुण्याचा कारखाना मोठ्या प्रमाणात उभारण्यात आलेले आहेत. या कारखान्यांवर तहसीलदारांच्या पथकाने कारवाई करून ते जमीनदोस्त केले आहेत. ही कारवाई पुढेही अशीच सुरू राहावी, अशी येथील रहिवाशांची अपेक्षा आहे.

मलंगगड परिसरात गेल्या काही वर्षांपासून मोठ्या प्रमाणात जीन्स वॉश कारखाने बेकायदा उभारण्यात आले आहेत. यापैकी काही कारखाने हे खासगी जमिनींवर, तर काही कारखाने सरकारी जमिनींवर उभारण्यात आले होते. या कारखान्यांमुळे जलस्रोत दूषित होत आहेत. तसेच शेतीचेही नुकसान होत आहे. त्यामुळे अनेक तक्रारी तहसीलदार आणि महाराष्ट्र प्रदूषण नियंत्रण मंडळाकडे स्थानिकांनी केल्या होत्या. त्याची दखल घेत अंबरनाथच्या तहसीलदारांनी दोन कारखान्यांवर तोडक कारवाई केली. यामध्ये मौजे चिरड इथल्या सरकारी सर्व्हे नंबर २६ वर असलेला कारखाना आणि मौजे करवले इथल्या सरकारी जमीन सर्व्हे क्रमांक २६ वर असलेला कारखाना अशी दोन बांधकामे जेसीबी लावून तोडण्यात आली. तहसीलदार प्रशांती माने यांच्या आदेशाने ही कारवाई करण्यात आली. या कारवाईवेळी अंबरनाथचे नायब तहसीलदार संभाजी शेलार, तलाठी सातपुते, नाईकवडे, तसंच पोसरी आणि करवले ग्रामपंचायतीचे संतोष वजाळे उपस्थित होते.

unique tribute to general bipin rawat: जबरदस्त! अवघड ‘वजीर’ सर करत कल्याणच्या गिर्यारोहकांची जनरल बिपीन रावत यांना श्रद्धांजली
लोकल ट्रेनमध्ये दागिन्यांवर डल्ला मारणाऱ्या अट्टल महिला दरोडेखोरांना पोलिसांनी ठोकल्या बेड्या

मात्र या कारवाईत सातत्य असले पाहिजे असे गावातील नागरिकांचे म्हणणे आहे. कारण एकदा कारवाई केली जाते. त्यानंतर परत जीन्स वॉश कारखाने उभे राहतात आणि त्याकडे सरकारी अधिकारी लक्ष देत नसल्याचे गावकऱ्यांकडून सांगण्यात येत आहे. त्यामुळे यापुढेही कारवाई केली जाईल का? हे पाहावे लागणार आहे. दरम्यान यापुढे देखील मलंगगड परिसरात अशीच धडक कारवाई केली जाणार असल्याचे तहसीलदारांकडून सांगण्यात आले.

Kalyan : रेल्वे ट्रॅकजवळील रस्त्याने भरदुपारी महिला चालत जात होती, इतक्यात…