हायलाइट्स:
- घरी येताच कुटुंब हादरले
- मुलाने केली आत्महत्या
- भिंतीवर लिहिली सुसाईड नोट
यावल तालुक्यातील किनगाव येथील राजू महाजन हे आपल्या पत्नी, दोन मुले व सूनेसह जिल्हा परिषद शाळेजवळ राहतात. दरम्यान बुधवारी राजू महाजन हे त्यांची पत्नी, मुलगा व त्याची पत्नी यांच्यासह सर्व शेतात कामाला गेले होते. त्यांचा दुसरा अविवाहित मुलगा समाधान महाजन (वय २७) हा एकटाच घरी होता. या दरम्यान त्याने गळफास घेऊन आत्महत्या केली. हा प्रकार महाजन कुटुंबीय सायंकाळी साडेपाचला शेतातून घरी परतले तेव्हा उघडकीस आला. संध्याकाळी घरी परतल्यानंतर घरात मुलाचा मृतदेह पाहून महाजन कुटुंबीय प्रचंड हादरले.
धक्कादायक! निलंबित एसटी कर्मचाऱ्याचा हृदयविकाराच्या झटक्याने मृत्यू, राजापूर डेपोत हळहळ
भिंतीवरच लिहिलं आत्महत्येचं कारण
पोलिसांनी घटनास्थळाचा पंचनामा करून मृतदेह यावल ग्रामीण रुग्णालयात पाठवला. दरम्यान समाधान याने आत्महत्येपूर्वी भिंतीवर प्रेमभंग झाल्याने आपण आत्महत्या करत असल्याचं लिहिलेलं आढळून आलं आहे. समाधान महाजन याने बारावीनंतर आयटीआयचे शिक्षण घेतलं होतं. सध्या तो वडिलांसोबत शेती काम करायचा. सहा वर्षांपासून प्रेम प्रकरण सुरू असलेल्या प्रेयसीने दुसऱ्याशी संबध ठेवून धोका दिल्याचा मजकूर समाधान याने घरातील भिंतीवर लिहून ठेवला होता.
दरम्यान, या प्रकरणी यावल पोलिसात मृत समाधान महाजन यांचा भाऊ योगेश महाजन यांनी दिलेल्या तक्रारीवरून अकस्मात मृत्यूची नोंद करण्यात आली आहे.
