भीषण अपघातात कार आणि टेम्पोचा चक्काचूर: दोघांचा जागीच मृत्यू; ४ जण गंभीर – car and tempo accident on mangalvedha-solapur road; 2 killed on the spot, 4 injured

सोलापूर : मंगळवेढा-सोलापूर मार्गावर कार आणि टेम्पोची समोरासमोर धडक झाल्याने भीषण अपघात झाला आहे. या अपघातात दोन जण जागीच ठार झाले असून चार जण गंभीर जखमी झाले आहेत. ही घटना दामाजी कारखाना रोड नजीक आज सकाळी घडली आहे. (सोलापूर अपघात ताज्या अपडेट्स)

सोलापूरहून भरधाव जाणाऱ्या कारची शहराकडे येणाऱ्या टेम्पोला समोरासमोर धडक झाली. या धडकेत कारमधील दोन जण जागीच ठार झाले आहेत, तर चार जण गंभीर जखमी झाले आहेत. सर्व अपघातग्रस्त हे जत तालुक्यातील उमदी येथील आहेत. या गावातील सहा जण इस्तमासाठी औरंगाबाद येथे तीन दिवसांपूर्वी गेले होते. हा कार्यक्रम संपवून उमदी गावाकडे परतत असताना सकाळी हा अपघात झाला.

Ludhiana Court Blast लुधियाना स्फोट: धक्कादायक माहिती उघड; महिला पोलिसाला अटक

या अपघातामध्ये जैनुद्दीन काशीम यादगिरे (वय ४०, रा उमदी) आणि मौलाना साजिद खान (वय ४५, भिवंडी, मुंबई, सध्या रा. उमदी) या दोघांचा जागीच मृत्यू झाला. जखमींवर सध्या रुग्णालयात उपचार सुरू आहेत.

दरम्यान, या अपघाताने उमदी गावावर शोककळा पसरली असून हळहळ व्यक्त केली जात आहे.