हायलाइट्स:

  • मळवलीजवळ भीषण अपघात
  • अपघातात दोन ठार, एक जखमी
  • गाडीचा टायर फुटल्याने घडली दुर्घटना

लोणावळा : पुणे-मुंबई एक्स्प्रेस वेवर मळवली ते ताजे गावाच्या दरम्यान एका चारचाकी वाहनाला भीषण अपघात झाला आहे. या अपघातात दोघांचा मृत्यू झाला असून, एक महिला गंभीर जखमी झाली आहे. हा अपघात मंगळवारी दुपारी अडीच वाजण्याच्या सुमारास झाला. (मुंबई-पुणे एक्स्प्रेस वेवर अपघात)

प्रकाश बसवनाथ घोडके, राजमती नागेश गाडेकर (दोघेही रा. मुंबई) अशी अपघातात मृत्यू झालेल्यांची नावे असून, शालन शरणाप्पा घोडके (वय- ४५, रा. मुंबई) या गंभीर जखमी झाल्या आहेत.

महाराष्ट्रातील विद्यापीठे राजकारणाचा अड्डा होणार; ठाकरे सरकारवर फडणवीस बरसले

कामशेत पोलिसांनी दिलेल्या माहितीनुसार, मुंबईहून पुण्याच्या दिशेने जाणाऱ्या कारचा ताजे गावच्या हद्दीत टायर फुटल्याने कारने भरधाव वेगात मार्गावर तीन ते चार वेळा पलट्या मारल्या. या भीषण अपघातात कारमधील दोघांचा मृत्यू झाला असून, एक महिला गंभीर झाली आहे. अपघाताची माहिती मिळताच खंडाळा महामार्ग पोलीस व देवदूत आपत्कालीन पथकाने घटनास्थळी धाव घेतली आणि कारमधील जखमीला तत्काळ बाहेर काढून उपचारासाठी सोमाटणे फाटा येथील पवना हॉस्पिटलमध्ये दाखल केले.

पुणे विभागातील ४१ पालिकांवर ‘प्रशासकराज’; निवडणुका लांबणीवर पडल्याने निर्णय!

अपघातग्रस्त कार बाजूला करून मार्ग वाहतुकीसाठी खुला करण्यात आला. यादरम्यान पुण्याकडे जाणारी वाहतूक उर्वरित दोन मार्गिकेवरून सुरू होती. या घटनेचा पुढील तपास कामशेत पोलीस करीत आहे.

LEAVE A REPLY

Please enter your comment!
Please enter your name here