औरंगाबाद : राज्य उत्पादन शुल्क औरंगाबाद विभागाने मोठी कारवाई करत दारूच्या कारखान्यावर छापा टाकला आहे. विशेष म्हणजे हा कारखाना पोलीस भरती पूर्व प्रशिक्षण संस्थेच्या आता सुरू होता. त्यामुळे कारवाई करण्यासाठी गेलेल्या पथकाला हे पाहून धक्काच बसला.

राज्य उत्पादन शुल्क विभागाच्या अधिकाऱ्यांनी दिलेल्या माहितीनुसार, औरंगाबादच्या आडगांव येथील जय जवान सैनिक पोलीस भरती पूर्व प्रशिक्षण संस्थेचा मालक अशोक डवले हा अन्य साथीदारासह सदर प्रशिक्षण संस्थेच्या मोठ्या दोन खोल्यात बेकायदेशिरपणे देशी दारू उत्पादनाचा कारखाना चालवित होता. गुप्त बातमीदाराकडून माहिती मिळताच, राज्य उत्पादन शुल्क औरंगाबाद शहर विभागाचे निरीक्षक शरद फटांगडे व निरीक्षक जावेद कुरेशी यांच्या पथकाने या ठिकाणी छापा टाकला असता बनावट दारू निर्मीती करण्यासाठी लागणाऱ्या १९ लाख ७ हजार १६० रूपयाचा मुद्देमाल जप्त केला.

पैठणच्या धर्मांतर सोहळ्यातील कुटुंबाने केला मोठा खुलासा, अखेर वाद मिटला
बनावट दारू निर्मीती करणाऱ्या या कारखान्यात छापा टाकल्यानंतर जितेंद्र सिंग श्रीतेजभान सिंग, रवि सिंग श्रीब्रीजभान सिंग, जयबली सिंग श्रीबन्सराखन सिंग, प्रशांत अनिल खैरनार, चैतन्य रामकृष्ण म्हेसकर, यांना ताब्यात घेऊन मुंबई दारूबंदी कायद्यानुसार गुन्हा दाखल करण्यात आला आहे. तर गुन्ह्यातील मुख्य सूत्रधार अशोक किसन डवले व त्याचे अन्य नऊ साथीदारांचा शोध घेण्यात येत आहे. तसेच अटक आरोपींना न्यायालयात हजर केले असता त्यांना दोन दिवसाची पोलीस कोठडी सुनावण्यात आली आहे.

वीजबिल वसुलीसाठी महावितरणाचा मोठा निर्णय, या शहरांमध्ये होणार कारवाई

LEAVE A REPLY

Please enter your comment!
Please enter your name here