हायलाइट्स:

  • २००८ मध्ये सतोशी नाकामोटोनं मांडलं बिटकॉईनचं व्हिजन
  • कम्प्युटर सायन्टिस्ट आणि क्रिप्टोग्राफर निक सजाबो हाच सतोशी नाकामोटो?
  • निक सजाबोनं फेटाळला दावा

वॉशिंग्टन, यूएसए:

जगभरात चर्चेत असलेली क्रिप्टोकरन्सी ‘बिटकॉईन‘चा शोध नेमका कुणी लावला? सतोशी नाकामोटो असं नाव सांगणाऱ्या ‘त्या’ व्यक्तीची खरी ओळख काय आहे? हे जगासाठी रहस्य ठरलंय. आतापर्यंत या प्रश्नांची उत्तरं कुणीही ठामपणे देऊ शकलेलं नाही. सतोशी नाकामोटो नामक व्यक्तीबद्दल जगभरात करण्यात आलेले वेगवेगळे दावे चुकीचे ठरलेत. आता, पृथ्वीवरचा सर्वात श्रीमंत व्यक्ती असलेल्या ‘टेस्ला‘चा मालक एलोन मस्क यानं नाकामोटो या व्यक्तीबद्दल एक मोठा दावा केला आहे.

क्रिप्टोकरन्सीबद्दल एलन मस्कचं वेड सर्वांनाच ठावूक आहे. ‘बिटकॉईन’ची संकल्पना आणि निर्मिती कम्प्युटर सायन्टिस्ट आणि क्रिप्टोग्राफर निक साबो (निक साबो) यानं केल्याचा दावा एलन मस्कनं केला आहे.

मस्कच्या म्हणण्यानुसार, निक सजाबो याचे सिद्धांत, विशेषतः ‘स्मार्ट नाणी’ आणि डिजिटल चलन ‘बिट गोल्ड’ हे ‘बिटकॉईन’च्या निर्मितीसाठी आधार ठरलेत. मात्र, बिटकॉईनची निर्मिती करणाऱ्याची ओळख अधिक महत्त्वाची नाही, असंही मस्कनं जोर देऊन म्हटलंय.

उल्लेखनीय म्हणजे, स्वत: निक सजाबो यांनी आपण स्वत: सतोशी नाकामोटो असल्याचा दावा फेटाळून लावला आहे. असं असलं तरी बिटकॉईनच्या विकासात निक सजाबोची दावेदारी इतरांच्या तुलनेत मजबूत असल्याचं दिसून येतं.

बिटकॉईन ही जगातील सर्वात लोकप्रिय क्रिप्टोकरन्सी ठरलीय. अनेक लोक आपले कमी – अधिक पैसेही यात गुंतवत आहेत. अनेक जणांना त्याचा फायदाही झालाय. भारतात सरकार क्रिप्टोकरन्सी संदर्भात एक कायदा लवकरच अस्तित्वात येण्याची शक्यता आहे. असं असलं तरी ‘बिटकॉईन’चा शोध लावणारा सतोशी नाकामोटो नामक व्यक्ती कोण आहे? हे आत्तापर्यंत समोर आलेलं नाही.

Sex Trafficking: अल्पवयीन मुलींचा ‘सेक्स ट्राफिकिंग’साठी वापर, दोषी ब्रिटिश महिलेला कठोर शिक्षा
‘राफेल’चा धसका, पाकची चीनकडून J-10C लढावू विमानांची खरेदी

काय आहे बिटकॉईन?

२००८ मध्ये सतोशी नाकामोटो नावानं एका व्यक्तीनं नऊ पानांचं एक श्वेतपत्र आणलं, यामध्ये ‘बिटकॉईन’चं दृष्टीकोन (Vision) मांडण्यात आला होता. बिटकॉईन ही एक अशी रोख प्रणाली आहे जी सरकारच्या आवाक्याबाहेर असतानाही काम करू शकते. काही महिन्यांनी युझर्सना बिटकॉईनचा व्यवहार करण्यासाठी सतोशीनं एक सॉफ्टवेअरही जारी केलं होतं.

कुठे गायब झाला सतोशी नाकामोटो?

बिटकॉईनचा शोधकर्ता सतोशी नाकामोटो २०११ साली रहस्यमय पद्धतीनं क्रिप्टोच्या संपूर्ण चित्रातून बाहेर निघाला. आपल्या सहकारी डेव्हलपरला एका ई-मेल द्वारे आपण दुसऱ्या एका कामात गुंतलो असल्याचं त्यानं सांगितलं होतं. मात्र, गायब होण्यापूर्वी सतोशी नाकामोटोनं जवळपास ११ लाख बिटकॉईनची मायनिंग केल्याचं म्हटलं जातं.

‘ओमिक्रॉनला घाबरू नका, हा तर केवळ हंगामी सर्दीकारक विषाणू’
खुशखबर! ओमिक्रॉनला रोखणाऱ्या ‘अँटिबॉडीज’चा शोध

LEAVE A REPLY

Please enter your comment!
Please enter your name here