हायलाइट्स:
- सुल्ली डील अॅपवर महिलांची माहिती आणि किंमत
- महाराष्ट्र राज्य आयोगाने घेतली गंभीर दखल
- अॅपद्वारे अशी माहिती उपलब्ध करून देणाऱ्या गिटहबवर कारवाईचे निर्देश
- महिला आयोगाच्या अध्यक्षा रुपाली चाकणकर यांनी दिली माहिती
नवाब मलिक यांनी आज, रविवारी सकाळी पत्रकार परिषद घेऊन सुल्ली डील अॅपवर मुस्लीम महिलांचे फोटो अपलोड करून त्यांची किंमत दिली जात असून, बदनामी केली जात आहे. अशा अॅपवर कठोर कारवाई करण्यात यावी, अशी मागणी त्यांनी केली होती. याबाबत गृहमंत्र्यांकडे तक्रार देण्यात येणार असल्याचेही त्यांनी सांगितले होते. हा गंभीर प्रकार समोर आल्यानंतर राज्य महिला आयोगाने त्याची गंभीर दखल घेतली आहे. महिला आयोगाच्या अध्यक्षा रुपाली चाकणकर यांनी अशा अॅपद्वारे माहिती प्रसारित करणाऱ्या प्लॅटफॉर्मवर कडक कारवाई करण्याचे निर्देश राज्याच्या सायबर विभागाला दिले आहेत.
Bulli Bai App: ‘सुल्लीडील’नंतर आता ‘बुल्लीबाई’मुळे वादळ; शिवसेनेने आवाज उठवताच…
समीर वानखेडेंवर नवाब मलिक यांचे पुन्हा गंभीर आरोप; ‘ती’ ऑडिओ क्लिपच ऐकवली!
राजकीय हेतू साध्य करण्याचे प्रयत्न
हा गंभीर प्रकार समोर आल्यानंतर राज्य महिला आयोगाच्या अध्यक्षा रुपाली चाकणकर यांनी ट्विट केले. त्या म्हणाल्या की, ‘सुल्ली डील नावाच्या ॲपवरून मुस्लीम महिलांचे फोटो, प्रोफाइल आणि त्यासमोर किंमत लिहून प्रसारित केले जात असल्याची माहिती समोर येत आहे. समाजात तेढ निर्माण करून देशातील शांतता बिघडवायची आणि आपले राजकीय हेतू साध्य करण्याचे प्रयत्न काही लोक करत आहेत,’ असे त्यांनी ट्विटमध्ये म्हटले आहे. मागील काही दिवसांपासून घडलेल्या घटनांच्या अनुषंगाने असे दिसून येते. या सुल्ली डील ॲपवरून महिलांसंबंधीची माहिती विविध समाजमाध्यमांवर प्रसारित झाली आहे. त्यामुळे सर्व समाज माध्यमांवरून ती माहिती तात्काळ काढून टाकण्यात यावी, अशी मागणीही त्यांनी केली. याशिवाय असे ॲप तयार करून संकलित माहितीचा प्रसार करण्यासाठी मोफत व अनियंत्रित प्लॅटफॉर्म उपलब्ध करून देणाऱ्या ‘गिटहब’ विरुद्ध सुद्धा कारवाई करण्याचे निर्देश महाराष्ट्र राज्य महिला आयोगाने सायबर विभागाला दिले आहेत, असेही त्यांनी सांगितले.
भाजपच्या बड्या नेत्याकडून समीर वानखेडेंना त्याच पदावर ठेवण्यासाठी लॉबिंग – मलिक
प्रदूषण रोखण्यासाठी पर्यावरण मंत्री आदित्य ठाकरे यांची मोठी घोषणा; इलेक्ट्रिक वाहनांबाबत ‘हा’ निर्णय
