Lockdown In Mumbai If Daily Corona Cases Cross 20000 Mark Mayor Kishori Pednekar | Covid 19 Lockdown in Mumbai : …तर मुंबईत लॉकडाउन लागू करणार, महापौर किशोरी पेडणेकरांनी दिला इशारा | Maharashtra Times

मुंबई: मुंबईत दैनंदिन करण्यासाठी रुग्णांच्या संख्येत वेगाने वाढ होत आहे. त्यामुळे मुंबईत येत्या काही दिवसांत लॉकडाउन लागू केला जाऊ शकतो का? असा प्रश्न उपस्थित होऊ लागला आहे. तर या प्रश्नाचं उत्तर होय असेच आहे. लॉकडाउन लागू होण्याची दाट शक्यता आहे. मुंबईच्या महापौर किशोरी पेडणेकर यांनीही तसा इशारा दिला आहे. जर मुंबईत दैनंदिन रुग्णसंख्या २० हजारांच्या पल्याड गेली तर, मुंबईत लॉकडाउन लागू केला जाऊ शकतो, असे त्या म्हणाल्या.

दैनंदिन रुग्णसंख्येने २० हजारांचा टप्पा पार केला तर, आम्ही मुंबईत लॉकडाऊन लागू करू, असा इशारा महापौर किशोरी पेडणेकर (किशोरी पेडणेकर) यांनी दिला. दरम्यान, मुंबईत सोमवारी एकाच दिवसात ८०८२ नवीन करोना रुग्णांची नोंद झाली आहे. १८ एप्रिल २०२१ नंतर पहिल्यांदाच इतक्या मोठ्या संख्येने दिवसाला रुग्णांची नोंद झाली आहे. करोना रुग्णांच्या संख्येत झपाट्याने वाढ होत असल्याने निर्बंध कठोर करण्यात येत आहेत. महापालिका प्रशासनाने कालच पहिली ते नववी आणि अकरावीचे वर्ग पुन्हा बंद ठेवण्याचा निर्णय घेतला आहे. ३१ जानेवारीपर्यंत हा निर्णय लागू असणार आहे.

Maharashtra Lockdown Soon : पुन्हा लॉकडाउनचे संकेत, मुंबई लोकल आणि शाळा-कॉलेजसंदर्भात लवकरच…
Corona cases in Mumbai: मुंबईत करोनाचे रुग्ण वाढताहेत; टास्क फोर्समधील डॉक्टरांनी दिला इशारा, म्हणाले…
दरम्यान, मुंबईत सोमवारी ८ हजार ८२ नवे रुग्ण आढळले आहेत. तसेच दोन रुग्णांचा मृत्यू झाला. या बरोबरच एकूण ६२२ रुग्ण बरे होऊन घरी गेले. तर राज्यातील बरे झालेल्या रुग्णांची संख्या ७ लाख ५१ हजार ३५८ इतकी झाली आहे. तसेच, बरे झालेल्या रुग्णांचा दर ९३ टक्क्यांवर गेला आहे. मुंबईतील सक्रिय रुग्णांची संख्या २९ हजार ८२९ इतकी आहे. तसेच मुंबई शहरातील रुग्ण दुप्पटीचा दर १३८ दिवसांवर पोहचला आहे. मुबंईत आताच्या घडीला ३७ हजार २७४ सक्रीय रुग्ण आहेत.

Corona in Mumbai : मुंबई लोकलमधून प्रवास करणाऱ्या प्रवाशांसाठी मोठी बातमी, BMC अधिकारी म्हणाले…

तत्पूर्वी, मुंबई उपनगरीय लोकल प्रवासासंदर्भात महापालिकेच्या एका वरिष्ठ अधिकाऱ्याने महत्वाची माहिती दिली आहे. मुंबईत करोना रुग्णांची संख्या झपाट्याने वाढते आहे. त्या पार्श्वभूमीवर मुंबईत लॉकडाउन लागू करण्याची दाट शक्यता व्यक्त केली जात आहे. तर मुंबई लोकल प्रवासावर निर्बंध लादण्यात येतील अशी चर्चा होती. पण महापालिका अधिकाऱ्याने ही शक्यता फेटाळून लावली. सध्या तरी लोकल प्रवासासंदर्भात कोणतेही निर्बंध लादण्यासंबंधी प्रस्ताव नाही, असे या अधिकाऱ्याने सांगितले.