करोना विषाणूच्या ‘ओमिक्रॉन’ स्वरुपाशी अद्याप जगाची पुरेशी ओळख झालेली नसताना आणखीन एक धक्कादायक बातमी समोर येतेय. फ्रान्समध्ये वैज्ञानिकांना करोना विषाणूचा आणखीन एक नवा व्हेरियंट आढळून आला आहे. हा नवा व्हेरियंट ओमिक्रॉनपेक्षाही अधिक संक्रामक असल्याचं समोर येतंय.
करोनाचा हा नवा प्रकार अधिक म्यूटेड असून त्याचं नामकरण आयएचयू (IHU) असं करण्यात आलंय. करोनाचा B.1.640.2 हा व्हेरियंट IHU मेडिटेरेन्स इन्फेक्शनच्या तज्ज्ञांनी शोधून काढलाय. संशोधकांच्या म्हणण्यानुसार, या व्हेरियंटमध्ये ४६ उत्परिवर्तन (म्युटेशन्स) आहेत जे ओमिक्रॉनपेक्षाही अधिक प्रमाण आहे.
तज्ज्ञांच्या म्हणण्यानुसार, IHU व्हेरियंट लसी आणि संसर्गास अधिक प्रतिरोधक आहे. इतकंच नाही तर या IHU व्हेरियंटची किमान १२ रुग्णांची नोंद ‘marcelles‘जवळ करण्यात आलीय. या भागातून काही लोक आफ्रिकेत कॅमेरूनला गेले होते, असंही समोर आलंय.
Corona Vaccination: करोना लसीच्या तिसऱ्या डोसमुळे ८८ टक्के संरक्षण
लसीचा ‘बुस्टर डोस’ घेतल्यानंतरही अमेरिका संरक्षण मंत्री करोना पॉझिटिव्ह!
‘करोना’मुळे कोमात पोहचलेल्या महिलेला ‘व्हायग्रा’मुळे मिळालं नवं जीवन
जगावरचं ‘ओमिक्रॉन’ संकट अद्याप क्षमलेलं नसतानाच आता आयएचयू व्हेरियंटही फैलावण्याचा धोका निर्माण झाला आहे. मात्र, फ्रान्स वगळता हा प्रकार अद्याप इतर कोणत्याही देशात आढळून आलेला नाही. जागतिक आरोग्य संघटनेनंही अद्याप या व्हेरियंटविषयी कोणतीही घोषणा केलेली नाही.
करोना संसर्गाची आकडेवारी
दरम्यान, जगभरात एव्हाना करोनाबाधित रुग्णांच्या संख्येनं २९२ दशलक्षांचाही आकडा ओलांडला आहे. या महामारीमुळे आतापर्यंत ५४.४ लाखांहून अधिक लोकांनी आपला जीव गमावला आहे. दिलासादायक म्हणजे, जगभरात ९.२० अब्जाहून अधिक जणांचं लसीकरण पूर्ण करण्यात आलंय. ‘जॉन्स हॉपकिन्स विद्यापीठा’नं ही आकडेवारी जाहीर केली आहे.
गोठवणाऱ्या थंडीत रस्त्यावर बेवारस आढळलं एका दिवसाचं भ्रूण; सोबत आईचं हृदयद्रावक पत्र!
Kane Tanaka: जगातील सर्वात वयोवृद्ध महिलेनं साजरा केला ११९ वा वाढदिवस
Animal Rain: अवकाशातून माशांचा पाऊस, शास्त्रीय कारणही जाणून घ्या…
