कॉलेजांचा निर्णय बुधवारी
कॉलेजबाबत तसेच अन्य निर्बंधांबाबत बुधवारी ५ जानेवारी रोजी मुंबईत बैठक घेऊन संपूर्ण राज्यासाठी एकच निर्णय जाहीर करणार, असे अजित पवार यांनी स्पष्ट केले आहे.
दरम्यान, राज्य सरकारने पहिली ते सातवीपर्यंतच्या शाळा सुरू करण्याचा निर्णय घेतल्यानंतर पुणे महापालिकेने १६ डिसेंबर रोजी शाळा सुरू करण्यास परवानगी दिली होती. मात्र, शहरातील बहुतांश खासगी शाळांनी नाताळच्या सुट्टीनंतर शाळा सुरू करण्याचा निर्णय घेतला होता. त्यानुसार सोमवारपासून अनेक शाळांमधील पहिली ते सातवीपर्यंतचे वर्ग गजबजले. या शाळांमध्ये दीड वर्षांनंतर विद्यार्थ्यांनी पाऊल ठेवले. शाळांनीही दोन सत्रात शाळा भरवून एका वर्गातील विद्यार्थी या दोन सत्रांमध्ये विभागले आहेत. तसेच, जे विद्यार्थी शाळेत प्रत्यक्षात उपस्थित राहणार नाहीत, त्यांच्यासाठी ऑनलाइन वर्ग घेण्यात येत आहेत. करोनाचा संसर्ग वाढल्यामुळे मुंबई महापालिकेने शाळा बंद करण्याचा निर्णय घेतला. त्यामुळे पुण्यातील शाळा बंद केल्या जाव्यात, असा आग्रह पालकांकडून धरला जात होता. याबाबत काही पालकांनी महापौरांना निवेदन दिले होते.
मुंबईतल्या पहिली ते नववीच्या शाळा ३१ जानेवारीपर्यंत बंद
शिक्षकांकडून शाळेतूनच ऑनलाइन वर्ग, विद्यार्थ्यांविना भरली शाळा
शाळांनी कसे करावे विद्यार्थ्यांचे लसीकरण…शिक्षणमंत्री म्हणाल्या…
