Coronavirus Cases in Thane And Raigad Major Surge In Covid Patients Number In Panvel Maharashtr | रायगड जिल्ह्यात करोनाचा उद्रेक; पनवेलमध्ये धडकी भरवणारी परिस्थिती, २४ तासांत ५२१ रुग्णांची नोंद | Maharashtra Times

ठाणे: मुंबई आणि ठाण्याला लागून असलेल्या रायगड परिसरात मंगळवारी करण्यासाठी रुग्णांच्या संख्येत मोठी वाढ नोंदवली गेली. गेल्या २४ तासांमध्ये रायगड जिल्ह्यात ७०२ नव्या रुग्णांची नोंद झाली आहे. यापैकी सर्वाधिक रुग्णसंख्या ही पनवेलमध्ये आहे. एकट्या पनवेलमध्ये दिवसभरात ५२१ रुग्णांची नोंद झाली. तर एका करोना रुग्णाचा मृत्यू झाला. त्यामुळे आता करोनाच्या ओमायक्रॉन व्हेरिएंटने शहरी भागासोबत ग्रामीण भागातही हातपाय पसरायला सुरुवात केल्याचे संकेत मिळत आहेत. ठाणे जिल्ह्यात दिवसभरात ४२२ नवे करोना रुग्ण आढळले. यामध्ये कल्याणमधील १६०, डोंबिवलीतील २४७, टिटवाळा ११, पिसवली २ आणि मोहनामधील दोन रुग्णांचा समावेश आहे. या परिस्थितीमुळे रायगड आणि ठाण्यातील आरोग्य यंत्रणांची धाकधुक वाढली आहे.

तर दुसरीकडे मुंबईसह महाराष्ट्रातही करोनाचा धडकी भरवणारा आकडा समोर आला आहे. गेल्या २४ तासांत महाराष्ट्रात १८४६६ नव्या करोना रुग्णांची नोंद झाली. तर २० जणांचा मृ्त्यू झाला. यापूर्वी सोमवारी नव्या करोना रुग्णांची संख्या तब्बल १२ हजार इतकी होती. मात्र, एकाच दिवसात नव्या करोना रुग्णांची संख्या आठ हजाराने वाढली आहे.
महाराष्ट्रात डेल्टापेक्षा ओमायक्रॉनचाच जोर, पुढच्या १०-१२ दिवसांत…. टास्क फोर्स सदस्याचं मोठं वक्तव्य
मुंबईत ओमायक्रॉनचा धडकी भरवणारा आकडा

मुंबईसह राज्यात ओमायक्रॉनच्या (ओमिक्रॉन) रुग्णांमध्ये प्रचंड वाढ झाली आहे. आज राज्यात ७५ ओमायक्रॉनबाधित रुग्ण आढळले आहेत. एकट्या मुंबईतच ४० जणांना संसर्ग झाला आहे. गेल्या २४ तासांत मुंबईत १०८६० नवे करोना रुग्ण आढळले आहेत. तर करोनाचा डबलिंग रेट अवघ्या ११० दिवसांवर आला आहे. काल हाच डबलिंग रेट १८३ दिवसांचा होता. तर मुंबईतील करोना रुग्णवाढीचा दर ०.६३ टक्के इतका आहे.

मुंबईत सध्या ४७,४७६ करोना रुग्णांवर उपचार सुरु आहेत. रुग्ण बरे होण्याचे प्रमाण घसरुन ९२ टक्क्यांवर आले आहे. तर गेल्या २४ तासांमध्ये ६५४ जणांना डिस्चार्ज मिळाला आहे.