नागपूर : स्वबळाची वारंवार घोषणा करणाऱ्या राष्ट्रवादी काँग्रेससमोर सर्व प्रभागांत उमेदवार उभे करण्याचे आव्हान ठाकण्याचे संकेत आहेत. उमेदवार शोधण्यासाठी ऐनवेळी धावपळ होऊ नये म्हणून पक्षाने आतापासून इच्छुकांकडून अर्ज मागविले आहेत.

राष्ट्रवादीचे ज्येष्ठ नेते खासदार प्रफुल्ल पटेल यांच्या उपस्थितीत पक्ष कार्यालयात शहरातील प्रमुख पदाधिकारी व नेत्यांची मंगळवारी बैठक झाली. यात संघटनात्मक रचनेसह विविध मुद्यांवर चर्चा करण्यात आली. यावेळी निवडणुकीसाठी इच्छुकांकडून अर्ज मागवण्याचा निर्णय घेण्यात आला. त्यासाठी पदाधिकारी व कार्यकर्त्यांना आवाहन करण्यात आले. इच्छुकांची यादी पक्षाचे निरीक्षक राजेंद्र जैन यांना सादर करण्यात येणार आहे.

‘या’ जिल्ह्याने चिंता वाढवली, फक्त ५ दिवसांत करोना रुग्णांचा धक्कादायक आकडा समोर
गेल्या निवडणुकीत आघाडी न झाल्याने राष्ट्रवादीने स्वबळावर किल्ला लढवला. विद्यमान अध्यक्ष दुनेश्वर पेठे यांनी विजयी मिळवत राष्ट्रवादीमुक्त महापालिका होण्याची नामुष्की टाळली. प्रफुल्ल पटेल व अनिल देशमुख यांनी शहरातील निवडणुकीचे नेतृत्व केल्यानंतरही पक्षाला जेमतेम एकमेव जागेवर विजयी होता आले. यावेळी परत पटेल यांनी मोर्चा साभाळला. तथापि, पक्षांतर्गत गटबाजी कमी झालेली नाही. सव्वा वर्षापासून राष्ट्रवादीचे नेते सक्रिय आहेत. पटेल व देशमुख यांनी शहरातील पदाधिकारी व कार्यकर्त्यांकडे भेटी दिल्या. यानंतर देशमुख यांच्यावरील ईडी, सीबीआयच्या कारवाईमुळे जनसंपर्काला ब्रेक लागले.

कार्यकर्त्यांवर अन्याय होणार नाही. महापालिका निवडणूक स्वबळावर लढण्याच्यादृष्टीने पक्षाने पूर्ण शक्ती लावली आहे. सर्व विधानसभा मतदारसंघातही पक्षाचे उमेदवार राहतील, असा विश्वास प्रफुल्ल पटेल यांनी दिला. महापालिकेत अधिकाधिक जागांवर विजय मिळवण्यासाठी कार्यकर्त्यांनी सज्ज व्हावे, असे आवाहन माजी मंत्री रमेश बंग यांनी केले. शहराध्यक्ष दुनेश्वर पेठे यांनी कार्यकर्त्यांच्या अडचणींकडे पटेल यांचे लक्ष वेधले.

बैठकीस निरीक्षक राजेंद्र जैन, माजी केंद्रीय मंत्री सुबोध मोहिते, अल्पसंख्याक सेलचे राष्ट्रीय अध्यक्ष शब्बीर अहमद विद्रोही, माजी आमदार दीनानाथ पडोळे, प्रकाश गजभिये, प्रवक्ते प्रवीण कुंटे, प्रदेश उपाध्यक्ष अनिल अहिरकर, आभा पांडे, शेखर सावरबांधे, दिलीप पनकुले, सलिल देशमुख, प्रशांत पवार, रमेश फुले उपस्थित होते.

औरंगाबाद मनसेमध्ये पुन्हा गटबाजी, राज ठाकरेंनी पदावरुन दूर केलेला पदाधिकारी रुसला?

LEAVE A REPLY

Please enter your comment!
Please enter your name here