sharad pawar: Coronavirus: राज्यात करोनाचा उद्रेक, परिस्थिती चिंताजनक; आता शरद पवार उतरणार मैदानात – ncp chief sharad pawar may handle coronavirus pandemic crisis in maharashtra covid restrictions may imposed soon

मुंबई :करण्यासाठी व्हायरसच्या उद्रेकामुळे महाराष्ट्रातील परिस्थिती दिवसेंदिवस चिंताजनक होताना दिसत आहे. या पार्श्वभूमीवर आता राष्ट्रवादी काँग्रेसचे सर्वेसर्वा आणि महाविकासआघाडीचे शिल्पकार शरद पवार हे मैदानात उतरले आहेत. राज्याचे अतिरिक्त मुख्य आरोग्य सचिव प्रदीप व्यास आणि आरोग्यमंत्री राजेश टोपे गुरुवारी दुपारी शरद पवार यांची भेट घेणार आहेत. यावेळी शरद पवार यांच्याकडून राज्यातील करोना परिस्थितीचा आढावा घेतला जाईल. त्यामुळे आगामी काळात करोना रुग्णसंख्या आटोक्यात आणण्यासाठी अजित पवार यांच्यासोबत शरद पवारही थेटपणे राज्याची सूत्रे हाती घेण्याची शक्यता आहे.

सध्याच्या घडीला मुंबई हा राज्यातील करोनाचा हॉटस्पॉट झाला आहे. मुंबईत दैनंदिन रुग्णसंख्येने २० हजारांचा टप्पा ओलांडल्यास लॉकडाऊन लागेल, असा इशारा आयुक्त आणि महापौरांनी यापूर्वीच दिला आहे. बुधवारी मुंबईतील रुग्णसंख्येने १५ हजारांचा टप्पा ओलांडला होता. करोनाच्या प्रसाराचा वेग पाहता गुरुवारी मुंबईत नव्या करोना रुग्णांची संख्या २० हजारांच्या पुढे जाऊ शकते. त्यामुळे मुंबईची वाटचाल ही लॉकडाऊनच्या दिशेने सुरु झाली आहे. तर पुण्यासह राज्याच्या इतर भागांमध्येही करोना रुग्णांची संख्या झपाट्याने वाढत आहे. या पार्श्वभूमीवर आता शरद पवार राज्य सरकारच्या निर्णयप्रक्रियेत महत्त्वाची भूमिका बजावणार का, हे पाहावे लागेल.

याशिवाय, राज्यातील एसटी कर्मचाऱ्यांच्या संपाचा तिढा सोडवण्यासाठीही शरद पवार लवकरच सक्रिय होणार असल्याचे समजते. शरद पवार यांना एसटी कर्मचाऱ्यांच्या मागण्या आणि संपाच्या परिस्थितीबाबत माहिती देण्यात येणार आहे. त्यानंतर शरद पवार एसटी संपकऱ्यांशी संवाद साधून हा तिढा सोडवणार का, हे पाहावे लागेल.
Mumbai Lockdown: तिसरी लाट अटळ, रुग्णसंख्या २० ते २५ टक्क्यांनी वाढण्याची शक्यता; मुंबई लॉकडाऊनच्या दिशेने?
राज्य सरकारची आज महत्त्वाची बैठक, लोकल ट्रेनवर निर्बंधांची शक्यता

राज्यातील करोना परिस्थितीने गंभीर स्वरुप धारण केल्यामुळे गुरुवारी राज्य सरकारची महत्त्वाची बैठक पार पडणार असल्याची माहिती समोर येत आहे. या बैठकीत राज्यात आगामी तीन ते चार दिवसांत कठोर निर्बंध लागू करण्यासंदर्भात चर्चा होऊ शकते. अनावश्यक सेवा, रेस्टॉरंट आणि दुकानांच्या वेळेवरही निर्बंध आणले जाऊ शकतात. तसेच मुंबईची लाईफलाईन असलेल्या लोकल ट्रेनच्या प्रवासावरही निर्बंध आणण्याची तयारी सुरु असल्याची चर्चा आहे.

करोनाचा धडकी भरवणारा वेग

मुंबईत करोना फैलावाचा वेग हा धडकी भरवणारा आहे. सध्या मुंबईत होणाऱ्या एकूण चाचण्यांपैकी चारपैकी एका व्यक्तीला करोनाची लागण होत आहे. मुंबईत १ जानेवारीला करोना रुग्णसंख्या ६३४७ इतकी होती. ३ जानेवारीला हा आकडा ८०८२ इतका झाला होता. तर ५ जानेवारीला म्हणजे बुधवारी हा आकडा थेट १५१६६ इतका झाला होता. त्यामुळे आज मुंबईतील नव्या करोना रुग्णांचा आकडा २० हजारांचा टप्पा ओलांडेल, अशी शक्यता आहे.