rashmi thackeray: ‘बरं झालं, रश्मीताईंना ‘फडणवीसांच्या पत्नीची’ उपमा दिली नाही, नाहीतर ‘डान्सिंग डॉल’ची प्रतिमा झाली असती’ – it’s better bjp it cell called rashmi thackeray rabri devi not amruta fadnavis says ncp leader vidya chavan

मुंबई : मुख्यमंत्री उद्धव ठाकरे यांच्या पत्नी रश्मी ठाकरे यांच्याविषयी भाजपचे आयटी सेलप्रमुख जितेन गजरिया यांनी केलेल्या ट्विटमुळे वाद निर्माण झाला आहे. जितेन गजारिया यांनी रश्मी ठाकरे (रश्मी ठाकरे) यांना ‘मराठी राबडीदेवी’, असे म्हटले होते. त्यामुळे सायबर सेल पोलिसांनी त्यांना ताब्यात घेतले असून त्यांची चौकशी सुरु आहे. यावरुन साहजिकच शिवसेना आणि भाजपमध्ये नवा वाद सुरु झाला आहे. या वादात राष्ट्रवादी काँग्रेसच्या नेत्या विद्या चव्हाण (विद्या चव्हाण) यांनीही उडी घेतली. एका वृत्तवाहिनीला प्रतिक्रिया देताना विद्या चव्हाण यांनी रश्मी ठाकरे यांना विनाकारण वादात खेचणाऱ्या भाजपला खडे बोल सुनावले. मात्र, यावेळी विद्या चव्हाण यांनीही अमृता फडणवीस (अमृता फडणवीस) यांना विनाकारण वादात खेचत खोचक टोला लगावला.

भाजपच्या नेत्यांनी रश्मी ठाकरे यांना राबडीदेवी यांची उपमा दिली असेल तर त्या खूपच नशीबवान आहेत. राबडीदेवी या चूल, मूल आणि घर सांभाळणारी स्त्री होती. बरं झालं, भाजपवाल्यांनी रश्मी ठाकरे यांना फडणवीसांच्या पत्नीची उपमा दिली नाही. नाहीतर लोकांसमोर रश्मी ठाकरे यांची प्रतिमा ‘डान्सिंग डॉल’सारखी गेली असती. राबडीदेवींची उपमा दिली जाते याचा अर्थ रश्मी ठाकरे यांची प्रतिमा तितकीही वाईट नाही. तसेच भाजपवाल्यांनी त्यांच्या मुख्यमंत्र्यांच्या पत्नीने काय गुण उधळले, हेदेखील ट्विट करुन सांगावे. मुख्यमंत्र्याच्या बायकांना अशाप्रकारे वादात ओढणे योग्य नाही. रश्मी ठाकरे यांना तुम्ही विनाकारण राजकीय वादात का ओढत आहात? भाजपच्या सेलला अक्कल राहिली नाही हे लक्षात येतं. ते डबक्यात आहेत. कमळ हे डबक्यात उगवतं. डबक्यातील लोकांनी दुसऱ्यांवर शिंतोडे उडवू नये. कारण तुम्ही डबक्यात आहात. तुम्ही काय आहात, भाजपमध्ये कोण काय आहे त्याविषयी आम्हाला सर्व माहिती आहे. कोणत्याही नेत्याच्या पत्नीवर टीका करण्यापेक्षा आत्मपरीक्षण करा, असा सल्ला विद्या चव्हाण यांनी दिला.
रश्मी ठाकरेंबद्दल वादग्रस्त ट्विट, पोलिसांची कारवाई; आरोपीच्या वकिलांची शिवसेनेला वॉर्निंग, म्हणाले…
गजारियांच्या वकिलांची शिवसेनेला वॉर्निंग

बीकेसी कार्यालयात सायबर पोलीस सेलच्या डीसीपी रश्मी करंदीकर यांच्याकडून जितेन गजारिया यांचा जबाब नोंदवण्यात आला. यावेळी सायबर सेलच्या कार्यालयाबाहेर भाजप युवा मोर्चाच्या कार्यकर्त्यांनी गर्दी केली होती. तर जितेन गजारिया (जितेन गजरिया) यांच्या वकिलांनी त्यांच्या ट्विटचे पूर्णपणे समर्थन केले. तसेच शिवसेना सत्तेचा गैरवापर करुन पोलिसांवर दबाव आणत असल्याचा आरोपही त्यांनी केला. सरकार आज आहे, उद्या नसेल. उद्या आमचं सरकार आलं तर कायद्याच्या चौकटीत राहून कशी कारवाई करायची, हे आम्हालाही माहिती असल्याचा इशारा गजारिया यांच्या वकिलांनी शिवसेनेला दिला.