booster dose: booster dose: १० जानेवारीपासून बूस्टर डोस, फ्रंटलाइन वर्कर… – citizens with 60 years of age and above will be given booster dose from january 10

मुंबई : राज्यात दोन्ही डोस घेतलेले आरोग्य कर्मचारी, प्रत्यक्ष रस्त्यावर, रुग्णालयात काम करणारे कर्मचारी तसेच साठ वर्षे व त्यावरील सहव्याधी असलेले नागरिक यांना १० जानेवारीपासून बूस्टर डोस देण्यात येणार आहे. दुसरा डोस घेऊन नऊ महिने किंवा ३९ आठवडे पूर्ण झाले असतील तर बूस्टर डोस घेता येईल. ही सुविधा ऑनलाइन व थेट नोंदणी पद्धतीने उपलब्ध असेल.

६० वर्षे व त्यावरील वयाच्या सहव्याधी असलेल्या व्यक्तींना बूस्टर मात्रा घेताना लसीकरण केंद्राच्या ठिकाणी कोणतेही प्रमाणपत्र जमा करण्याची गरज नाही. अशा व्यक्तींनी डॉक्टरांच्या सल्ल्याने लसीकरणाचा निर्णय़ घ्यावा, असे स्पष्ट करण्यात आले आहे. सरकारी केंद्रांवर मोफत तर खासगी केंद्रांवर निर्धारित दराने हा डोस घेता येईल. आरोग्य कर्मचारी व ज्यांची कोविन अॅपवर नागरिक अशी वर्गवारी झाली आहे, त्या लाभार्थ्यांचे लसीकरण केवळ शासकीय लसीकरण केंद्रावर ऑनलाइन पद्धतीने उपलब्ध असेल. त्यासाठी त्यांनी नोकरीच्या ठिकाणचे ओळखपत्र दाखवणे बंधनकारक असेल.

डॉक्टर मोठ्या संख्येने बाधित होत असल्याने ओपीडी, सर्जरी टप्प्याटप्याने कमी करण्याचा निर्णय
‘जिनोम’ऐवजी सिरो सर्वेक्षण; राज्य सरकारच्या आरोग्य विभागाचा निर्णय