नागपूर : ‘अनाथांची माय’ अशी ओळख असलेल्या आणि तसं जीवन प्रत्यक्ष जगलेल्या ज्येष्ठ समाजसेविका सिंधुताई सपकाळ यांचं हृदयविकाराच्या तीव्र झटक्यानं निधन झालं. त्यांच्यावर पुण्यातील नवी पेठ येथील ठोसरपागा स्मशानभूमीत अंत्यसंस्कार करण्यात आले. अग्निसंस्काराऐवजी त्यांचं पार्थिव दफन करण्यात आलं. त्यांच्या अशा अकाली जाण्यामुळे सर्वच क्षेत्रात शोककळा पसरली आहे. अशात आचार्यप्रवर महंत न्यायंबासबाबा यांनीही एक खंत व्यक्त केली आहे.

‘पद्मश्री पुरस्कार मिळाल्याबद्दल महानुभावपंथीयांतर्फे सिंधुताई सपकाळ यांचा नागरी सत्कार आयोजित करण्यात येणार होता. त्याला माईंनी होकारही दिला होता. करोनामुळे तो पुढे घ्या, अशी सूचना त्यांनी केली होती. तो नागरी सत्कार करायचा राहून गेला’, अशी खंत आचार्यप्रवर महंत न्यायंबासबाबा यांनी व्यक्त केली.

ST Strike Update : अखेर एसटीची चाकं धावली, ‘या’ जिल्ह्यात १०० फेऱ्या पूर्ण

महानुभावपंथीयांतर्फे पद्मश्री सिंधुताई सपकाळ यांना श्रद्धांजली वाहण्यात आली. पुण्यात त्यांच्या पार्थिवावरील अंत्यसंस्कारानंतर उपराजधानीत आचार्यप्रवर महंत न्यायंबासबाबा यांच्या अध्यक्षतेत सभा झाली. याप्रसंगी मान्यवरांनी सिंधुताईंसोबतच्या आठवणींना उजाळा दिला. सामाजिक कार्यकर्ते हरिहर पांडे म्हणाले, ‘जानेवारी २०१४ला पारशिवनीजवळील करंभाडच्या महाचिंतनीत सिंधुताईंनी महिलांना केलेल्या उपदेशाची परिसरात सतत चर्चा होत असते. त्यांना अनेकदा भेटण्याची संधी प्राप्त झाली. त्यांच्यातील मायपण चिखलदरा येथे अनुभवता आले. माईंनी महानुभाव पंथाचे संस्थापक सर्वज्ञ चक्रधर स्वामींच्या विचारांशी एकरूप होऊन निष्काम समाजसेवा केली. स्वामींनी सांगितलेला सत्य, अहिंसा हा उपदेश आपल्या भाषणांध्ये त्या सतत करीत असत. माहेर नसलेल्यांचे माहेर असलेल्या रिद्धपूरचे भगवान श्री गोविंदप्रभूंच्या विचारांचा प्रभाव त्यांच्यावर होता.’

काँग्रेस मनपा निवडणूक जिंकणार का? मुंबईतल्या बैठकीला पदाधिकाऱ्यांची दांडी
‘माईंनी वर्धा जिल्ह्यात माळेगाव ठेका येथे श्रीकृष्ण मंदिराची उभारणी करीत अनन्य भक्तीचा संदेश समाजाला दिला. त्यांनी एका कार्यक्रमात ‘श्रीचक्रधरांनी जीवाला लावलेले वेड’ या गीतातून उपस्थितांना परमेश्वर भक्तीबद्दल त्यांच्या मनात असलेला जिव्हाळा व्यक्त केला होता’, अशी आठवण तपस्विनी पुष्पा विराट यांनी सांगितली. सिंधुताईंचा जीवन परिचय प्राचार्य दीपा हटवार यांनी करून दिला.

यावेळी तपस्विनी बेबी विराट, महात्मा भूषणशास्त्री न्यायंबास, साक्षी विराट, निरंजनमुनी न्यायंबास, श्रीकृष्ण सेवा मंडळाचे चंदू वैद्य, सुरेश वाइंदेशकर, यशवंत करडभाजने, रत्नाकर पोतदार, संदीप यावले, सुनील मानपुरे, सीमा वैद्य आदींची प्रमुख उपस्थिती होती.

MSRTC Strike News : एसटी कर्मचाऱ्यांना मोठा फटका, आंदोलनामुळे आर्थिक गणित बिघडलं

LEAVE A REPLY

Please enter your comment!
Please enter your name here