हायलाइट्स:
- मध्य रेल्वेवर ठाणे-दिवा दरम्यान मार्गिकेच्या कामासाठी मेगाब्लॉक
- पाचव्या आणि सहाव्या मार्गीकेसाठी ३६ तासांचा मेगाब्लॉक
- शनिवारी दुपारी दोन वाजल्यापासून मेगाब्लॉक सुरू होणार
गेल्या अनेक वर्षांपासून सुरू असलेल्या ठाणे ते दिवा दरम्यानच्या पाचव्या आणि सहाव्या मार्गिकेचे काम मध्य रेल्वेकडून युद्ध पातळीवर सुरू आहे. या कामासाठी याआधी मध्य रेल्वेकडून अनेक मेगाब्लॉक घेण्यात आले आहेत. या मार्गिकेच्या पाचव्या आणि सहाव्या मार्गीकेचे काम करण्यासाठी येत्या शनिवार, रविवार आणि सोमवारी म्हणजेच ८, ९ आणि १० जानेवारी रोजी तीन दिवसांचा चौथा मोठा ३६ तासांचा जम्बो मेगाब्लॉक घेण्यात येणार आहे. (जंबो मेगाब्लॉक) हा जम्बो मेगाब्लॉक ८ जानेवारीला शनिवारी दुपारी २ वाजता सुरु होणार असून १० तारखेला सोमवारी पहाटे २ वाजेपर्यंत असा ३६ तास सुरू राहणार आहे. या जम्बो मेगाब्लॉक दरम्यान मुंबई ते कर्जत, कसारा, अंबरनाथ, बदलापूरच्या दिशेने धावणाऱ्या सर्व अप आणि डाऊन मार्गावरील लोकल गाड्या या ठाणे ते कल्याण दरम्यान धीम्या मार्गावरून न धावता जलद मार्गावर धावणार आहेत. तसेच या दरम्यान कळवा, मुंब्रा, कोपर आणि ठाकुर्ली या धीम्या स्थानकांवर उपनगरीय सेवा उपलब्ध राहणार नाही.
coronavirus : भारतात येताय? मग करोनाच्या नव्या मार्गदर्शक सूचना वाचा, केंद्राने केल्या जारी
Omicron in Ulhasnagar : परदेशातून उल्हासनगरला परतले; फिरायला गेले, आता तिघांचा टेन्शन वाढवणारा रिपोर्ट आला…
छत्रपती शिवाजी महाराज टर्मिनस येथून कल्याण, अंबरनाथ, बदलापूर, कर्जत आणि कसारासाठी निघणाऱ्या डाऊन मार्गावरील धीम्या / अर्ध जलद लोकल मुलुंड स्थानकावरून मुलुंड आणि कल्याण स्थानकांदरम्यानच्या डाऊन जलद मार्गावर वळवण्यात येणार आहेत. अप मार्गावर देखील अशाच प्रकारे धीम्या / अर्ध जलद सर्व लोकल गाड्या कल्याण ते मुलुंड स्थानकांदरम्यान अप जलद मार्गावर वळवण्यात आल्या आहेत. संपूर्ण ब्लॉक कालावधीत डोंबिवली येथून सुटणाऱ्या आणि येणाऱ्या लोकल सेवा उपलब्ध नसतील. तसेच कळवा, मुंब्रा, कोपर आणि ठाकुर्ली स्थानकांवरून प्रवास करणाऱ्या प्रवाशांनी ठाणे, दिवा, डोंबिवली आणि कल्याण येथून गाड्यांमध्ये चढण्याचे आवाहन मध्य रेल्वेकडून प्रवाश्यांना करण्यात आले आहे. ब्लॉक कालावधीत धीम्या मार्गावरील लोकल ठाणे, डोंबिवली आणि दिवा स्थानकाच्या जलद मार्गावरील फलाटांवर थांबतील. या जम्बो मेगाब्लॉक दरम्यान कळवा, मुंब्रा, कोपर आणि ठाकुर्ली येथील प्रवाशांसाठी ठाणे आणि कल्याण डोंबिवली महानगरपालिकेकडून विशेष परिवहन सेवेच्या बसेसची व्यवस्था करण्यात येणार आहेत. यासाठी मध्य रेल्वेकडून महापालिका परिवहन उपक्रमाशी समन्वय साधल्याची माहिती मध्य रेल्वेकडून देण्यात आली आहे. सोमवारी १० जानेवारी रोजी सकाळपासून अप आणि डाऊन मार्गावरील धावणाऱ्या सर्व लोकल गाड्या नेहमीच्या वेळापत्रकानुसार धावतील. या दरम्यान मध्य रेल्वे ने प्रवास करणाऱ्या प्रवाशांना ब्लॉकमुळे होणार्‍या गैरसोयीबद्दल प्रवाशांनी रेल्वे प्रशासनाला सहकार्य करावे असे आवाहन यावेळी मध्य रेल्वेचे मुख्य जनसंपर्क अधिकारी शिवाजी सुतार यांनी केले आहे.
buffalo Birthday Celebration : ‘असं’ बर्थडे सेलिब्रेशन कधी पाहिलं नसेल, रेड्याच्या वाढदिवशी धुमधडाका…चिकन-मटण पार्टी…मिरवणूकतीन दिवसांच्या ३६ तासाच्या या जम्बो मेगाब्लॉकमध्ये ठाण्यापासून धीम्या मार्गिकेच्या बाजूला यार्डी मोडेलिंग, क्रोस ओव्हर इंसर्शन, टर्न आउट इंसर्शन, इलेक्ट्रिशन आणि सिग्नल कम्युनिकेशनची प्रलंबित कामे करण्यात येणार आहेत. त्याच बरोबर ठाणे ते दिवा दरम्यान टाकलेल्या नवीन मार्गिकेच्या कट कनेक्शनचे काम करण्यात येणार आहे. जम्बो मेगाब्लॉकच्या वेळी ठाणे ते कल्याण या दरम्यान कुठल्याही धीम्या मार्गावरील सर्व गाड्या या जलद मार्गावरून वळवण्यात आल्या आहेत. त्यामुळे रेल्वे सेवा सुरळीत सुरू राहावी यासाठी अनेक मेल एक्स्प्रेस गाड्या आणि लोकल गाड्या रद्द करण्यात येणार आहेत. या रद्द झालेल्या गाड्यांची संपूर्ण माहिती https://cr.indianrailways.gov.in/ आणि https://t.co/MqBqnF1m8n, https://t.co/ne9NaCWtCq या अधिकृत रेल्वेच्या वेबसाईटवर उपलब्ध असणार असल्याची माहिती मध्य रेल्वेचे मुख्य जनसंपर्क अधिकारी शिवाजी सुतार यांनी दिली आहे.
