mumbai traffic police: वाहतूक पोलिसांकडून अवैध वसुली; मुंबई हायकोर्टाने दिले ‘हे’ आदेश – bombay high court asked file affidavits on pil in seeking probe into rampant corruption and extortion in traffic police

मुंबई: परराज्यांतून मुंबईलगतच्या ठाणे आणि नवी मुंबई परिसरात येणाऱ्या अवजड वाहनांच्या चालकांकडून रस्ता अडवणे, रस्त्यावर पार्किंग करणे किंवा टोइंग चार्जेस अशा नावाखाली ७५० ते ८०० रुपयांची अवैध वसुली करून, वाहतूक पोलिसांकडून मोठा भ्रष्टाचार सुरू आहे, असा गंभीर आरोप जनहित याचिकेद्वारे करण्यात आला आहे. ही याचिका हायकोर्टात दाखल करण्यात आली आहे. त्यावर, आज, शुक्रवारी हायकोर्टात सुनावणी झाली. याबाबत चार आठवड्यांत प्रतिज्ञापत्राद्वारे उत्तर दाखल करण्यात यावे, असे निर्देश हायकोर्टाने ठाणे पोलीस आयुक्त, नवी मुंबई पोलीस आयुक्तालयातील उपायुक्त श्रेणीच्या अधिकाऱ्यांना दिले.

‘वाहतूक पोलीस विभागाच्या अधिकाऱ्यांनी खासगी व्यक्ती व टोइंग वाहनचालकांच्या मदतीने भ्रष्टाचार करण्याची अनोखी शक्कल लढवली आहे. त्याद्वारे दरमहा ७ ते ११ कोटी रुपये कमावण्याचा मार्ग त्यांनी शोधला आहे. परराज्यांतून मुंबई परिसरात दाखल होऊन चहापाणी किंवा स्वच्छतागृहात जाण्यासाठी थांबलेल्या अवजड वाहनांच्या चालकांकडून रस्ता अडवला, रस्त्यावर पार्किंग केले किंवा टोइंग चार्जेस अशा नावाखाली ७५० ते ८०० रुपयांना लुबाडले जाते आणि अशा अवैध वसुलीतून मिळवलेल्या कमाईचे आपसांत वाटप केले जाते’, असा गंभीर आरोप करत चौकशीची मागणी करणारी जनहित याचिका मुंबई उच्च न्यायालयात दाखल करण्यात आली आहे. त्यावर आज, शुक्रवारी मुंबई हायकोर्टात सुनावणी झाली. सुनावणीदरम्यान हायकोर्टाने ठाणे पोलीस आयुक्त, नवी मुंबई पोलीस आयुक्तालयातील उपायुक्त श्रेणीच्या अधिकाऱ्यांना निर्देश देत, चार आठवड्यांत प्रतिज्ञापत्रावर उत्तर देण्याचे निर्देश दिले आहेत.

Central Railway Megablock : रेल्वे प्रवाशांसाठी महत्वाची बातमी; मध्य रेल्वेवर ‘या’ दिवशी ३६ तासांचा जम्बो मेगाब्लॉक
Omicron in Ulhasnagar : परदेशातून उल्हासनगरला परतले; फिरायला गेले, आता तिघांचा टेन्शन वाढवणारा रिपोर्ट आला…

बोगस पावत्या आणि व्हिडिओचेही पुरावे

वाहतूक पोलीस विभागातच कार्यरत असलेले सहायक पोलिस उपनिरीक्षक सुनील टोके यांनी अॅड. प्रदीप हवनूर यांच्यामार्फत ही याचिका केली आहे. याविषयी गुरुवारी प्राथमिक सुनावणी झाल्यानंतर न्या. अमजद सय्यद व न्या. अभय अहुजा यांच्या खंडपीठाने आज, शुक्रवारी पुन्हा सुनावणी घेण्याचे निश्चित केले होते. टोके यांनी आपल्या या आरोपांच्या समर्थनार्थ वाहनचालकांना अवैध वसुलीनंतर अधिकृत पावतीच्या नावाखाली देण्यात येणाऱ्या बोगस पावत्या आणि वसुलीविषयी केलेल्या रेकॉर्डिंगची ध्वनीचित्रफीतही याचिकेसोबत जोडली आहे. ‘संबंधित वाहतूक पोलीस अधिकारी, स्थानिक टोइंग वाहनचालक व गुंड प्रवृत्तीच्या व्यक्तींकडून ठाणे व नवी मुंबई परिसरात सुरू असलेला हा भ्रष्टाचार व सरकारी तिजोरीचे नुकसान संघटित गुन्हेगारीचा परिपाक आहे. त्यामुळे या रॅकेटबद्दल संबंधित सर्वांविरोधात मोक्का कायद्याखालील तरतुदींबरोबरच भादंवि व भ्रष्टाचार प्रतिबंधक कायद्याखालील कलमांखाली तात्काळ गुन्हे नोंदवून कारवाई करण्याचे निर्देश द्यावेत’, अशी विनंती याचिकेत करण्यात आली आहे.

buffalo Birthday Celebration : ‘असं’ बर्थडे सेलिब्रेशन कधी पाहिलं नसेल, रेड्याच्या वाढदिवशी धुमधडाका…चिकन-मटण पार्टी…मिरवणूक