labours suffocation in chemical tank: मोठी बातमी: घाटकोपरमध्ये कामगार रासायनिक टाकीत गुदमरले; एकाचा जागीच मृत्यू – three employees labours suffocation in chemical tank at ghatkopar mumbai

मुंबई : मुंबईतील एका रासायनिक कंपनीत टाकी साफ करताना तीन कामगार गुदमरल्याचा प्रकार घडला आहे. घाटकोपर परिसरात सोमवारी सकाळी हा प्रकार घडला. घाटकोपर पश्चिमेला असणाऱ्या एस के डायस्टफस ऑरगॅनिक केमिकल कंपनीत तीन कामगार रासायनिक टाकी साफ करत होते. त्यावेळी विषारी वायू नाकातोंडात जाऊन हे कामगार गुदमरले. यापैकी रामनिगोर सरोज या कामगाराचा तात्काळ मृत्यू झाला. तर रुबीन डिंगकर ( वय ३५) आणि श्रावण सोनावणे (वय २५) या दोन कामगारांची प्रकृती गंभीर आहे. त्यांना उपचारासाठी राजावाडी रुग्णालयात दाखल करण्यात आले आहे.