हायलाइट्स:
- अंगणात कोंबडी आल्याच्या कारणावरून वाद
- कुऱ्हाडीने वार करत महिलेची हत्या
- बारामती तालुक्यातील धक्कादायक घटना
गंगूबाई तात्याराम मोरे असं खून झालेल्या महिलेचं नाव आहे. याप्रकरणी किरण दादा मोरे याला अटक केली आहे.
पुण्यात इंजिनिअरने केलं धक्कादायक कृत्य; किरकोळ वादानंतर शेजाऱ्याला…
बारामती तालुका पोलीस ठाण्याचे पोलीस निरीक्षक महेश ढवाण यांनी दिलेल्या माहितीनुसार, मयत महिला आणि आरोपीचे घर समोरासमोर आहे. दोन्ही कुटुंबामध्ये अंगणात कोंबड्या येण्यावरुन आणि पाच फुटांच्या जागेवरुन वारंवार वाद होत होता. रविवारी दुपारी देखील याच कारणामुळे आरोपीच्या बायकोसोबत गंगुबाई यांचा वाद झाला होता. यावेळी रागाच्या भरात किरण याने गंगुबाईंच्या डोक्यावर कुऱ्हाडीने वार केला.
या हल्ल्यात गंगुबाई गंभीर जखमी झाल्या. उपचारासाठी दवाखान्यात दाखल करण्यापूर्वीच त्यांचा जागीच मृत्यू झाला. पोलिसांनी तत्काळ आरोपीला अटक केली असून पुढील तपास सहाय्यक पोलीस निरीक्षक महेश विधाते करत आहेत.
