sharad pawar: ‘शरद पवारांनी मुंबईतला गिरणी संप पाहिलाय; त्यांना एसटी कामगारांची काळजी वाटणे साहजिक’ – ncp chief sharad pawar have right to intervene in msrtc st employees strike issue in maharashtra says chhagan bhujbal

मुंबई : राज्यातील एसटी कर्मचाऱ्यांचा संप सोडवणे ही महाविकासआघाडी सरकारमधील तिन्ही पक्षांची सामूहिक जबाबदारी आहे. त्यामुळेच शरद पवार यांनी एसटी संप सोडवण्यासाठी पुढाकार घेतल्याचे स्पष्टीकरण राष्ट्रवादी काँग्रेसचे नेते छगन भुजबळ (छगन भुजबळ) यांनी दिले. कोणलाही शरद पवार (शरद पवार) यांची एलर्जी असण्याचे कारणंच काय? शरद पवार हे फक्त राज्यातीलच नव्हे तर देशातील अनुभवी नेते आहेत. त्यांच्या अनुभवाला आणि मताला देशात किंमत आहे. याशिवाय, शरद पवार हे महाविकासआघाडीतील एका पक्षाचे सर्वोच्च नेते आहेत. महाराष्ट्रातील एसटी कामगारांच्या संपाचा तिढा दोन महिन्यांपासून सुटलेला नाही. त्यामुळे शरद पवार यांना कामगारांची काळजी वाटणे साहजिक आहे, असे छगन भुजबळ यांनी म्हटले.

शरद पवार किंवा मी, आम्ही दत्ता सामंत यांच्या नेतृत्त्वाखाली मुंबईत झालेला गिरणी कामगारांचा संप बघितला आहे. हा गिरणी संप संपल्याचे आजवर कोणीही जाहीर केलेले नाही. त्यामुळे गिरण्यांमधील कामगार देशोधडीला लागले. एवढा अट्टाहास करता कामा नये, असा सल्ला छगन भुजबळ यांनी दिला. तसेच एसटी कामगारांना समजावण्याचा आणि राज्यकर्ते चुकत असतील त्या त्रुटींवर बोट ठेवण्याचा हक्कही शरद पवार यांना असल्याचे छगन भुजबळ यांनी म्हटले. दरम्यान, शरद पवार हे मंगळवारी दुपारी मुंबईत पत्रकारपरिषद घेणार आहेत. या पत्रकारपरिषदेत ते एसटी संपाविषयी काही बोलणार का, याकडे सगळ्यांच्या नजरा लागल्या आहेत.
एसटी संपावर तोडगा काढण्यासाठी पवारांकडे कशाला जाता, ते काळजीवाहू मुख्यमंत्री आहेत का; गुणरत्न सदावर्तेंचा सवाल
एसटी कर्मचाऱ्यांना शरद पवारांना चर्चा करायला भाग पाडलं: पडळकर

राज्यातील संपकरी एसटी कर्मचाऱ्यांनी शेवटपर्यंत एकजूट कायम ठेवल्याने सरकारला मिळणाऱ्या महसूलात घट झाली. त्यामुळेच राष्ट्रवादी काँग्रेसचे सर्वेसर्वा शरद पवार यांना एसटी कर्मचाऱ्यांच्या संघटनांशी जाहीरपणे चर्चा करायला भाग पाडले, असे वक्तव्य भाजपचे विधानपरिषदेचे आमदार गोपीचंद पडळकर यांनी केले. एसटी कर्मचाऱ्यांनी शेवटपर्यंत एकुजटीने लढा दिला यासाठी मी तुमचे अभिनंदन करतो. महसूलात घट आणून तुम्ही शरद पवार यांना तुमच्याशी चर्चा करण्यासाठी भाग पाडलंत, असे पडळकर यांनी म्हटले. तसेच राज्याचे परिवहनमंत्री अनिल परब यांनी दुसऱ्यांची दारं ठोठावण्यापेक्षा आंदोलकांशी थेट चर्चा करावी, असा सल्लाही पडळकर यांनी दिला.

शरद पवारांचा मास्टरस्ट्रोक, एसटी संघटनांच्या प्रमुखांची बांधली मोट , कर्मचाऱ्यांना संप मागे घेण्याचे आवाहन