हायलाइट्स:
- पाकिस्तानातील दुर्दैवी घटना
- बर्फवृष्टी दरम्यान गाडीत अडकून २२ जणांचा मृत्यू
- गाडीत हीटर असूनही चार मित्रांनी गमावला जीव
पाकिस्तानच्या पंजाब प्रांतातील मुरी भागात झालेल्या जोरदार बर्फवृष्टीत तब्बल २२ पर्यटकांना आपले प्राण गमवावे लागलेत. अचानक झालेल्या या बर्फवृष्टीमुळे अनेक गाड्या रस्त्यांवरच अडकून पडल्यानं या दुर्घटना घडल्या. या २२ जणांत समावेश असलेल्या चार मित्रांचा एक अखेरचा सेल्फी सध्या सोशल मीडियावर व्हायरल होताना दिसून येतोय. मृत्यू कुणाला कधी आणि कशा पद्धतीनं गाठू शकतो? हे कुणीही सांगू शकत नाही अशी भावनाही सोशल मीडियावर व्यक्त होतेय.
सोशल मीडियावर ज्या चार मित्रांचा अखेरचा सेल्फी व्हायरल होतोय ते चारही जण मरदान भागातील रहिवासी आहेत. असद खान, सुहैल खान, बिलाल खान आणि हेच नाव असलेला आणखीन एक मित्र बिलाल खान यांचा या दुर्घटनेत मृत्यू झाला आहे.
बीबीसीनं दिलेल्या माहितीनुसार, चार मित्रांमध्ये सुहैल खान हा वयानं सर्वात मोठा होता. त्याचं वय २५ वर्ष असून तो विवाहीत होता तसंच त्याला दोन मुलंही होती. मृत असद हादेखील विवाहीत होता आणि त्यालाही दोन मुलं आहे. बिलाल नावाचे दोघेही मित्र अविवाहीत होते. या चारही जणांचा बर्फात गुदमरून मृत्यू झालाय.
पाकिस्तानात बर्फाच्या वादळात गाडले गेले चार मित्र! अखेरता सेल्फी व्हायरल
Organ Transplant: ब्राव्हो! मानवी शरीराला जोडलं डुक्कराचं हृदय, शास्त्रज्ञांना मोठं यश
समुद्रात विशाल बर्फाच्या तुकड्यावर अडकले ३४ जण; पाहा कशी झाली सुटका
या अपघातापूर्वीच फिरतीवर असणाऱ्या आणि मौजमजा करणाऱ्या या मित्रांनी आपला एक सेल्फी घेतला होता. मात्र, हा सेल्फी या चौघांचा शेवटचा फोटो ठरला.
मुरीमध्ये सुखद बर्फवृष्टी सुरू झाल्यानं या चौघांनी फिरायला जाण्याचा बेत पक्का केला होता. ९ जानेवारी रोजी सकाळी या मित्रांच्या आप्तेष्टांनी त्यांना फोन केला तेव्हा फोन मदतयंत्रणांनी रिसिव्ह केला. फोनवर असद खान आणि त्यांच्यासहीत इतर तीन मित्रांचा मृत्यूची बातमी नातेवाईकांना मिळाली.
अगोदरच्या दिवशी फोनवर बोलताना आपण बर्फात अडकलो असलो तरी व्यवस्थित असून गाडीत हीटर आहे, त्यामुळे आम्ही थंडीपासून वाचू शकतो असा दिलासा या मित्रांनी आपल्या नातेवाईकांना दिला होता.
आयशा मलिक… पाकिस्तान सर्वोच्च न्यायालयातील पहिल्या महिला न्यायाधीश!
Muhammad Khorasani: पाकिस्तानचा मोस्ट वॉन्टेड दहशतवादी मोहम्मद खुरासानी अफगाणिस्तानात ठार
पाकिस्तानातील दुर्दैवी दुर्घटना
बर्फवृष्टीनंतर गाडीत अडकून प्राण गमावलेल्या २२ जणांत १० अल्पवयीन मुलांचाही समावेश आहे. गाडीतील ऑक्सिजन संपुष्टात आल्यामुळे बहुतेकांना आपला प्राण गमवावा लागला. मुरीमध्ये बर्फवृष्टीमुळे परिस्थिती इतकी बिघडली होती की जवळपास १० हजार गाड्यांमध्ये इथं दाखल झालेल्या अनेक पर्यटकांना जेवण, पाणी आणि ऑक्सिजनच्या कमतरतेचा सामना करावा लागला. ही बाब लक्षात आल्यानंतर प्रशासनाकडून पर्यटकांच्या बचावासाठी तातडीनं पाकिस्तानी सेनेच्या जवानांना तैनात करण्यात आलं होतं. पंतप्रधान इम्रान खान यांनीही या घटनेवर दु:ख व्यक्त केलं.
Guinness World Records: सोशल मीडियावर ५ कोटी लाईक मिळवणारा ‘अंडे का फंडा’!
