मुंबई: ‘पांडू’ या चित्रपटाचं कौतुक होत आहे. विजू माने दिग्दर्शित या चित्रपटानं बॉक्स ऑफिसवर कमाई केली. या यशाचं सेलिब्रेशन म्हणून दिग्दर्शक विजू माने सोशल मीडियावर दररोज एक पोस्ट करून प्रत्येकाचे आभार मानत आहे. नुकतीच त्यानं सोनाली कुलकर्णीसाठी एक खास पोस्ट लिहिली. या पोस्टमध्ये त्यानं सोनाली कुलकर्णीचं कौतुक केलं आहे.
‘पांडूच्या कास्टिंगबद्दल चर्चा सुरू असताना अचानक अश्विन पाटीलनं तिचं नाव काढलं. तिच्या नावाबद्दल मी साशंक होतो. मला स्टारपदाला पोहोचलेल्या नट्यांचे नखरे आवडत नाहीत. चित्रपटातल्या भूमिकेपेक्षा त्यांच्या वैयक्तिक गोष्टींबद्दल अधिक बोललं जातं. सगळ्या पर्यायांमधून शेवटी तिचं कास्टिंग झालं, चित्रपट झाला आणि ही पोरगी आपली एकदम झक्कास मैत्रीण झाली,’ असं त्यानं पोस्टमध्ये लिहिलं आहे. या चित्रपटाच्या निमित्तानं सोनालीविषयीचा गैरसमज दूर झाला असल्याचं विजूनं या पोस्टमध्ये म्हटलं आहे. ‘मी सोनालीबद्दल थोडं वाईटच ऐकून होतो. सेटवर त्रास देते, दिग्दर्शकाला सूचना देते. माझ्या आणि तिच्यात सेटवर खटके उडणार असं वाटे; पण सेटवरच्या पहिल्या दृश्यापासून शेवटच्या दिवसापर्यंत वादाचा मुद्दा आलाच नाही. ज्ञानाची आस आजन्म राहो…अभिनेत्री सोनाली कुलकर्णीची पोस्ट चर्चेत
मुळात ती माझ्या अपेक्षेपेक्षा अत्यंत वेगळी होती. सेटवर कधीही एक सेकंददेखील उशीरा आली नाही. उलट दिलेल्या वेळेच्या पंधरा मिनिटं आधी ती कुठंही हजर असते. सेटवर असताना इतर कुठल्याही गप्पा न मारता फक्त आपल्या भूमिकेबद्दल ती बोलायची,’ असं विजूनं लिहीलं आहे.
ज्ञानाची आस आजन्म राहो…अभिनेत्री सोनाली कुलकर्णीची पोस्ट चर्चेत
