हायलाइट्स:
- माजी राष्ट्रपती नूरसुल्तान नजरबायेव यांची मुलगी
- 41 वर्षीय आलिया नजरबायेव बिझनेस वुमन
- जळत्या देशातून ३१२ मिलियन डॉलरहून अधिक संपत्ती गुंडाळली
कझाकस्तानात राष्ट्रपतींकडून १५ दिवसांसाठी आणीबाणी जाहीर करण्यात आली असली तरी देशात ठिकठिकाणी हिंसाचार सुरूच आहे. याच दरम्यान देशाचे माजी राष्ट्रपती नुरसुलतान नजरबायेव यांची मुलगी आपलं बस्तान लंडनमध्ये हलवत असल्याची माहिती समोर येतेय. (आलिया नजरबायेवा, ची मुलगी नुरसुलतान नजरबायेव)
नूरसुल्तान यांच्या ४१ वर्षीय मुलीचं नाव आलिया नजरबायेव असं आहे. आलिया आपला जळता देश सोडून निघून जाण्याच्या प्रयत्नात आहे. सोबतच, तिनं आपली ३१२ मिलियन डॉलर (२३ अब्ज रुपयांहून अधिक) हून अधिक संपत्ती देशाच्या बाहेर स्थलांतरीत केल्याचं समोर येतंय. या संपत्तीद्वारे आलियानं स्वत:साठी एक आलिशान महाल आणि खासगी जेट सारख्या लग्झरी गोष्टीही खरेदी केल्या आहेत.
‘डेली मेल’च्या रिपोर्टनुसार, आलिया नजरबायेव एक व्यावसायिक महिला आहे. तिनं नुकतंच तब्बल १३३ कोटी रुपये खर्च करून स्वतःसाठी एक आलिशान जेट खरेदी केलंय. एवढंच नाही तर आलियानं लंडनमध्ये ६४ कोटींना एक आलिशान महालही खरेदी केला आहे. ती लवकरच ब्रिटनला स्थायिक होणार असल्याचं सांगण्यात येतंय.
याआधी दुबईतही आलिया नजरबायेव हिनं एक अब्ज रुपये खर्चून प्रॉपर्टी खरेदी केल्याचं समोर आलं होतं. उल्लेखनीय म्हणजे, आलियानं आपल्या आर्थिक सल्लागारांवर अप्रामाणिकपणा, निधीचा गैरवापर करण्याचा, फसवणुकीचा, षडयंत्र रचण्याचा, आर्थिक कायद्यांचे उल्लंघन तसंच अन्यायकारक संवर्धनाचे आरोप केले होते. त्यानंतर या गोष्टी समोर आल्या.
Kazakhstan Unrest: इंधन दरवाढीवरून कझाकिस्तान पेटलं; रशियाचा हस्तक्षेप… पाहा, काय घडलंय नेमकं
श्रीलंकेची आर्थिक कुचंबना; टोमॅटो २०० रुपये तर मिरची ७०० रुपये किलो!
कोण आहे आलिया नजरबायेव?
आलिया ही देशाचे ८१ वर्षीय माजी राष्ट्रपती नूरसुल्तान नजरबायेव यांची सर्वात लहान मुलगी आहे. नूरसुल्तान हे २८ वर्षांपासून २०१९ पर्यंत देशाचे राष्ट्रपती होते. तीन वर्षांपूर्वी राजीनामा देऊनही नुरसुल्तान यांनी आपल्या कुटुंबाची सत्ता कायम ठेवल्याचं मानलं जातं.
आलिया डिझायनर ज्वेलरी, मॉडेलिंग, तसंच कपड्यांचे ब्रँड, ब्युटी स्पा इत्यादींसाठी ओळखली जाते. कझाकस्तानमधील एक यशस्वी व्यावसायिक महिला म्हणून तिची ओळख आहे. मात्र, तिच्या कुटुंबावर अनेकदा बेहिशेबी मालमत्तेचा आरोप करण्यात आला. नजरबायेवाच्या कुटुंबाचे ब्रिटनशी दीर्घकाळापासूनचे आर्थिक संबंधही आहेत
दुसरीकडे, इंधनाचे दर दुप्पट झाल्यामुळे, कझाकस्तानमध्ये आंदोलन आणि दंगलींचा भडका उडाला आहे. अनेक ठिकाणी परिस्थिती नियंत्रणाबाहेर गेल्याचं दिसून येतंय. हिंसाचाराच्या पार्श्वभूमीवर राष्ट्रपती कासेम झोमार्ट टोकायेव यांनी संपूर्ण देशात ५ जानेवारी ते १९ जानेवारीपर्यंत आणीबाणी लागू केली आहे.
आयशा मलिक… पाकिस्तान सर्वोच्च न्यायालयातील पहिल्या महिला न्यायाधीश!
India China: सीमेवर ६० हजार भारतीय सैनिक तैनात, चीनसोबत आज १४ व्या टप्प्यात चर्चा
