हायलाइट्स:
- हरीम शाह पाकिस्तानी टिकटॉक स्टार
- मोठ्या प्रमाणात रोख रक्कम घेऊन पाकिस्तानातून ब्रिटनला गेल्याचा सोशल मीडियावर दावा
- हरीमविरुद्ध मनी लाँड्रिंगचा गुन्हा दाखल
सोशल मीडियावर व्हिडिओच्या माध्यमातून पैशांचं प्रदर्शन मांडणाऱ्या एका टिकटॉक स्टारच्या अडचणीत वाढ झालीय. या टिकटॉक स्टारचं नाव हरीम शाह असं आहे. हरीम ही पाकिस्तानची रहिवासी आहे.
सोशल मीडियावर बेनामी संपत्तीचं प्रदर्शन मांडल्यानंतर हरिम शाह हिच्याविरुद्ध मनी लॉन्ड्रिंगचा (Money Laundering) गुन्हा दाखल करून चौकशी सुरू करण्यात आलीय.
पाकिस्तानच्या फेडरल इन्व्हेस्टिगेशन एजन्सीनं (Federal Investigation Agency) बुधवारी टिकटॉक स्टार हरीम शाह हिच्या विरुद्ध मनी लाँड्रिंगचा तपास सुरू केला आहे.
आपण मोठ्या प्रमाणात रोख रक्कम घेऊन पाकिस्तानमधून ब्रिटनला गेल्याचा दावा हरीम शाह हिनं सोशल मीडियावर शेअर केलेल्या एका व्हिडिओत केला होता. यानंतर हरीम शहा हिच्याविरुद्ध अधिक पुरावे गोळा केले जात आहेत.
Imran Khan: ‘प्लेबॉय’ इम्रान खान सरकारकडून ‘कंडोम’वर टॅक्स, विरोधकांनी काढला चिमटा
Kazakhstan Unrest: देश जळतोय, नेत्याची मुलगी कोट्यवधींची संपत्ती गुंडाळत परदेशी निघाली!
मिळालेल्या माहितीनुसार, हरीम शाह १० जानेवारी रोजी कराची आंतरराष्ट्रीय विमानतळावरून कतारच्या दोहा विमानतळावर उतरली होती. मीडिया रिपोर्ट्सनुसार, सोशल मीडिया प्लॅटफॉर्म ‘स्नॅक व्हिडिओ’वर हरीमनं हा व्हिडिओ शेअर केला होता. या व्हिडिओत मोठ्या प्रमाणात पैसे दाखवताना आपण पहिल्यांदाच एवढी मोठी रक्कम पाकिस्तानमधून लंडनला घेऊन गेल्याचं तिनं म्हटलं.
‘फेडरल बोर्ड ऑफ रेव्हेन्यू’च्या नियमांनुसार, एखादा प्रवासी आपल्यासोबत कितीही विदेशी चलन पाकिस्तानमध्ये आणू शकतो परंतु पाकिस्तानबाहेर जाताना विदेशी चलन केवळ १०,००० अमेरिकन डॉलरपर्यंतच नेण्याची परवानगी आहे.
दरम्यान, हरीम शाह हिचा व्हिसा, इमिग्रेशन आणि प्रवासाची कागदपत्रं जप्त करण्यात आली आहे. फेडरल इन्व्हेस्टिगेशन एजन्सीनं पाकिस्तान सीमाशुल्क आणि विमानतळ सुरक्षा दलाकडूनही काही तपशील मागवला आहे. ‘एफआयए’नं हरीम शाहवर कारवाई करण्यासाठी ब्रिटनच्या ‘नॅशनल क्राइम एजन्सी’लाही पत्र लिहिण्याचा निर्णय घेतला आहे.
New Planet: अवकाशात आढळून आला ‘बटाट्या’सारखा ग्रह, शास्त्रज्ञांनाही आश्चर्याचा धक्का
श्रीलंकेची आर्थिक कुचंबना; टोमॅटो २०० रुपये तर मिरची ७०० रुपये किलो!
