शिवसेना भाजपमध्ये श्रेयवादाची ‘मेट्रो’ लढाई, दोन जेष्ठ नेते आमने-सामने
१७ वर्षांचा लढा…
मराठवाडा विद्यापीठाला डॉ. बाबासाहेब आंबेडकरांच नाव देण्यासाठी भीम सैनिकांना तब्बल १७ वर्षे लढा द्यावा लागला. १९७२ साली दलित पॅंथरची स्थापना झाली. गायरान जमिनी मिळाव्यात, विद्यार्थ्यांच्या शिष्यवृत्तीत वाढ व्हावी, यासारख्या काही मागण्यांसाठी दलित पँथरचं आंदोलन सुरु होतं. त्याबरोबरच औरंगाबादच्या मराठवाडा विद्यापीठाला डॉ. बाबासाहेब आंबेडकरांचं नाव द्यावे, ही मागणीने जोर धरला. १९७४ च्या मराठवाडा विकास आंदोलनात नामांतराची मागणी झाली.
मग या मागणीसाठी तरुण रस्त्यावर उतरले अनेक मोठं-मोठी आंदोलने झाली. या अनेकांनी आपल्या प्राणांची आहुती दिली. २७ जुलै १९७८ ला डॉ. बाबासाहेब आंबेडकर मराठवाडा विद्यापीठ अशी घोषणा झाली. मात्र दलित पँथर नेते प्रा. अरुण कांबळे यांनी या नामविस्ताराला विरोध दर्शवला होता. पँथरला निर्भेळ नामांतर हवं होतं. रात्रीतून नामांतर विरोधात दंगली सुरु झाल्या. एक-दीड वर्ष मराठवाडा धुमसत होता. शेवटी १४ जानेवारी १९९४ ला एका विद्यापीठाची फाळणी झाली. एकाला ‘डॉ. बाबासाहेब आंबेडकर मराठवाडा विद्यापीठ, औरंगाबाद’ तर दुसऱ्याला ‘स्वामी रामानंद तीर्थ मराठवाडा विद्यापीठ, नांदेड’ अशी विस्तारित नावं दिली गेली. त्यामुळे १४ जानेवारीला मोठ्या उत्साहाने औरंगाबाद येथे बाबासाहेब आंबेडकर मराठवाडा विद्यापीठ नामविस्तार दिन साजरा केला जातो.
ठाकरे सरकार, जागे व्हा, तिसरी लाट आली, नागपूर खंडपीठाने सरकारला सुनावले
