हायलाइट्स:

  • भूकंप आणि त्सुनामीनं अनेक देश हादरले
  • टोंगा इथे त्सुनामीमुळे इंटरनेट ठप्प
  • त्सुनामीचा न्यूझीलंड सहीत सांताक्रूज, कॅलिफोर्नियापर्यंत अनेक भागांना तडाखा

वेलिंग्टन, यूएसए:

टोंगा या प्रशांत महासागरीय देशात पुन्हा एकदा एका भयंकर ज्वालामुखीचा उद्रेक झालेला पाहायला मिळालाय. रविवारी हा उद्रेक झाल्याची माहिती मिळतेय. उल्लेखनीय म्हणजे, चार दिवसांपूर्वीही टोंगामध्ये भीषण ज्वालामुखीचा उद्रेक झाला होता. त्यानंतर भूकंप आणि त्सुनामीनं आजुबाजूचे अनेक देश हादरले होते.

त्सुनामीच्या लाटांनी अमेरिका आणि लॅटिन अमेरिकन देश पेरूपर्यंत अनेक देशांना झटका दिला. टोंगा इथे त्सुनामीमुळे इंटरनेट बंद पडलंय. तसंच पिण्याच्या पाण्याचंही नुकसान झालंय. इंटरनेट उपलब्ध नसल्यानं या भागातील परिस्थितीचा आणि नुकसानीचा अंदाज लावणं अद्याप शक्य झालेलं नाही. टोंगातील नुकसानीचं मूल्यांकन करण्यासाठी न्यूझीलंडमधून मॉनिटरिंग फ्लाइटही पाठवल्या जाऊ शकत नसल्याचं समोर येतंय.

‘डार्विन मॉनिटरिंग स्टेशन’नं दिलेल्या माहितीनुसार, टोंगामध्ये एक मोठा स्फोट झाला. येत्या काळात आणखी स्फोटांची शक्यता तज्ज्ञांकडून वर्तवण्यात आलीय.

दरम्यान, रविवारी समुद्राच्या पाण्याखाली ज्वालामुखीचा उद्रेक झाल्यानंतर प्रशांत महासागराच्या आजुबाजुला त्सुनामीचा धोका कमी होऊ लागल्याचं समजतंय. परंतु राखेच्या ढगांमुळे टोंगा हे लहानसं बेट मात्र झाकोळून गेलंय.

India Pakistan: पाकिस्तानला झोंबले भारताचे ‘गहू’; ‘पब्लिसिटी स्टंट’ असल्याची टीका
Texas Attack: १० तासांच्या थरारनाट्यानंतर सिनेगॉगमधील ओलिसांची मुक्तता, हल्लेखोर ठार

इंटरनेट ठप्प

शनिवारी संध्याकाळी झालेल्या प्रचंड स्फोटानंतर प्रशांत महासागरावर राख, वाफ आणि वायूचा जाड थर सॅटेलाइट प्रतिमांमध्ये दिसून आला. हा उद्रेक इतका भयंकर होता की त्याचा आवाज अलास्कापर्यंत ऐकू आला. टोंगामध्ये समुद्राच्या भयानक लाटा किनाऱ्यांपर्यंत पोहोचू लागल्या आणि लोकांनी आपला जीव वाचवण्यासाठी उंच ठिकाणी धाव घेतली.

ज्वालामुखीच्या उद्रेकामुळे, टोंगामध्ये इंटरनेट पूर्णपणे ठप्प झाल्याचं दिसून येतंय. त्यामुळे इथं राहणाऱ्या लोकांच्या जगभरातील नातेवाईकांच्या नजरा आपल्या आप्तेष्टांची खबरबात जाणून घेण्याकडे लागल्यात.

टोंगामध्ये आतापर्यंत कुणालाही दुखापत झाल्याची किंवा मृत्यू झाल्याचं अधिकृत माहिती मिळाली नसल्याचं, न्यूझीलंडच्या पंतप्रधान जॅसिंडा आर्डर्न यांनी सांगितलंय. अधिकाऱ्यांचा अजूनही काही किनारी भाग आणि लहान बेटांशी संपर्क होऊ शकलेला नाही. टोंगासोबत संचार संपर्क खूपच मर्यादित आहे. तटीय भागांत होड्या आणि दुकानांचं मोठं नुकसान झालंय. टोंगाची राजधानी नुकुलोफा ज्वालामुखीच्या उद्रेकानं निघालेल्या राखेनं झाकोळून गेली होती. या भागातील पाणीही दूषित झालंय. त्यामुळे या भागात सर्वाधिक पेयजलाची आवश्यकता लागेल, असंही आर्डर्न यांनी म्हटलंय.

स्फोटानंतर निर्माण झालेल्या त्सुनामीनं न्यूझीलंड सहीत सांताक्रूज, कॅलिफोर्नियापर्यंत अनेक भागांना तडाखा दिला आहे.

M M Naravane: सीमेवरील स्थिती बदलू देणार नाही, लष्करप्रमुखांनी ठणकावलं
India-Nepal: भारताची सीमेबाबत भूमिका कायम, नेपाळला ‘मैत्रिपूर्ण’ समज

LEAVE A REPLY

Please enter your comment!
Please enter your name here