हायलाइट्स:

  • रुग्णवाढीमुळे जिल्ह्यात पुन्हा चिंता
  • प्रादुर्भाव वाढत असतानाही नियमांकडे दुर्लक्षच
  • प्रशासनाने सुरू केली कडक कारवाई

अहमदनगर : मुंबईसह राज्यातील काही जिल्ह्यांत करोना रुग्णांची संख्या स्थिरावत असताना अहमदनगर जिल्ह्यात मात्र रुग्णांची वाढ सुरूच आहे. सोमवारी जिल्ह्यात २६८ रुग्णांना रुग्णालयातून डिस्चार्ज देण्यात आला, तर नव्या ९२९ रुग्णांची भर पडली आहे. त्यामुळे उपचाराधीन रुग्णांची संख्या वाढून ती ४ हजार ७३८ झाली आहे. अलीकडच्या काळातील ही उच्चांकी वाढ आहे. तसंच सहा करोना रुग्णांच्या मृत्यूची नोंद झाली आहे. सुदैवाने गंभीर रुग्णांची संख्या कमी आहे. (अहमदनगर कोरोनाव्हायरस ताजे अपडेट)

जिल्ह्यात आता बरे झालेल्या रुग्णांची एकूण संख्या तीन लाख ५२ हजार ९९० झाली आहे. रुग्ण बरे होण्याचं जिल्ह्यातील प्रमाण आता ९६.७४ टक्यांवर घसरलं आहे. तिसरी लाट सदृष्य स्थिती निर्माण होण्यापूर्वी नगर जिल्ह्यात दैनंदिन रूग्णसंख्या ६० ते ८० पर्यंत खाली आली होती. तर उपचाराधीन रुग्ण तीनशेच्या आसपास होते. गेल्या दोन आठवड्यांत रुग्णसंख्या झपाट्याने वाढत आहे. आज ती उच्चांकी पातळीवर गेली आहे. असं असलं तरी अनेक ठिकाणी नागरिक नियम पाळत नसल्याचं आढळून येत आहे. त्यामुळे महापालिकेने आता कडक कारवाई सुरू केली आहे.

Rakesh Tikait: राकेश टिकैत यांचा पाठिंबा कोणत्या पक्षाला?; अखेर भूमिका केली स्पष्ट

सर्वाधिक रुग्ण नगर शहरात आढळून येत आहे. आज शहरात ३५९ रुग्ण आढळून आले. त्याखालोखाल नगर तालुका आणि अकोले, श्रीगोंदा, श्रीरामपूरमध्ये ५० हून अधिक रुग्ण आढळून आले आहेत. संगमनेर वगळता सर्व तालुक्यांत आता दोन अंकी रुग्ण संख्या आहे. विशेष म्हणजे गेल्यावेळी संगमनेर तालुक्यात सर्वाधिक रुग्ण आढळून येत होते. त्यामुळे तेथे दीर्घकाळ कडक निर्बंध लावले होते. तालुक्याची ही स्थिती लक्षात घेता तेथील लसीकरण मोहीम प्रभावीपणे राबवण्यात आली असून सर्वाधिक लसीकरण संगमनेर तालुक्यात झालं आहे.

Sharad Pawar Vs Devendra Fadnavis : शरद पवार आता फडणवीसांना ‘काशीचा घाट’ दाखवतील, यापूर्वी…; नवाब मलिक यांचा इशारा

नगर शहरात रुग्णसंख्या वाढू लागल्याने महापालिका आणि जिल्हा प्रशासनाने पुन्हा कारवाई सुरू केली आहे. कार्यालये, दुकाने, खासगी क्लास येथे पाहणी करून करोना नियमांचा भंग करताना आढळून येणाऱ्यांवर कारवाई केली जात आहे. शाळा आणि क्सासला बंदी असूनही शहरात काही ठिकाणी खासगी क्लास सुरू असल्याचं आढळून आलं. शिवाय तेथे शिक्षक आणि विद्यार्थीही विनामास्क आढळून आले. त्यामुळे विद्यार्थ्यांना प्रत्येकी पाचशे तर क्लासच्या चालकांना आठ हजार रुपये दंड करण्यात आला. ही मोहीम आणखी कडक करणार असल्याचं महापालिका आयुक्त शंकर गोरे यांनी सांगितलं आहे.

LEAVE A REPLY

Please enter your comment!
Please enter your name here