हायलाइट्स:

  • तूर्कस्तानातील इस्तांबूल विमानतळावर व्हिस्कीचा लिलाव
  • जपानी व्हिस्कीची खरी किंमत ४.१४ कोटी रुपये
  • व्हिस्कीमधून चंदनाचा सुवास

इस्तंबूल, तुर्कस्तान :

मद्याच्या एका बाटलीसाठी चार कोटी रुपये… तुमचेही डोळे पांढरे झाले असतील ना… पण ही घटना खरोखरच घडलीय तूर्कस्तानातील इस्तांबूल विमानतळावर…

इस्तांबूल विमानतळावर उतरलेल्या एका चिनी प्रवाशानं मद्याच्या एका बाटलीसाठी तब्बल चार कोटी रुपये मोजलेत. मात्र ही सामान्य वाईन नव्हती तर दुर्मिळ जपानी व्हिस्की होती. या व्हिस्कीमधून चंदनाचा सुवास येत असल्याचं व्हिस्की बनवणारी कंपनी ‘सनटोरीचे घर‘चं म्हणणं आहे.

विमानतळावरील ‘ड्युटी फ्री शॉप’मध्ये ही व्हिस्की कमी किंमतीत विकली जात होती. या जपानी व्हिस्कीची खरी किंमत ४.१४ कोटी रुपये निर्धारित करण्यात आली होती. ५५ वर्षे जुनी ‘यामाझाकी’ व्हिस्की अतिशय दुर्मिळ आहे. अतिशय कमी प्रमाणात बनवली जात असल्यानं ती क्वचितच उपलब्ध होते. त्यामुळे तिची किंमत अधिक आहे.

विमानतळ जग‘च्या अहवालानुसार, व्हिस्कीची ही बाटली डिसेंबर २०२१ पासून ‘युनिफ्री‘च्या ड्युटी फ्री शॉपमध्ये ठेवण्यात आली होती. अधिकृत वेबसाइटनुसार, ही ‘यामाझाकी हाऊस ऑफ सनटोरी’च्या इतिहासातील ५५ सर्वात जुनी ‘सिंगल माल्ट व्हिस्की‘ होते.

VIDEO : जगातील सर्वात मोठ्या विमानाचं हवेत उड्डाण, पाहा व्हिडिओ
Pakistan: ‘माझी शिफ्ट संपली’ सांगत पायलटचा अर्ध्या प्रवासातच विमान उड्डाणास नकार!

अतिशय दुर्मिळ असल्यानं ग्राहकांना यामाझाकी 55 व्हिस्की खरेदी करण्यासाठी बोली लावण्यास सांगण्यात आलं होतं. या लिलावात एका चिनी व्यक्तीनं इतर सात जणांना मागे टाकत ‘यामाझाकी ५५ व्हिस्की’ विकत घेतली.

या विक्रीनंतर ‘युनिफ्री’चे सीईओ अली सेनहेर अत्यंत उत्साहीत दिसले. ‘आमच्या स्टोअरमधील हा आतापर्यंतचा सर्वात मोठी आणि विक्रमी विक्री ठरलीय. काही खास उत्पादनं विमानतळावरच विकली जाऊ शकतात हे यातून दिसून येईल. ‘यामाझाकी ५५ व्हिस्की’सारखी दुर्मिळ उत्पादनं विकण्यासाठी इस्तांबूल विमानतळ हे सर्वोत्तम ठिकाण आहे’ असंही त्यांनी म्हटलंय.

Houthi Rebels: कोण आहेत ‘हुती बंडखोर’? यूएई-सौदीवर का होत आहेत हल्ले?
Houthi Rebels: अबुधाबी ड्रोन हल्ल्याला प्रत्यूत्तर; ‘हुती बंडखोरांच्या’ टॉप कमांडरचा खात्मा

LEAVE A REPLY

Please enter your comment!
Please enter your name here