हायलाइट्स:

  • नाना पटोलेंविरोधात भाजप आक्रमक
  • ठाण्यात पोलिसांना भाजप कार्यकर्त्यांनी दिले निवेदन
  • देशद्रोहाचा गुन्हा दाखल करण्याची मागणी
  • नाना पटोले यांच्या वक्तव्याचा निषेध

ठाणे : कॉंग्रेसचे प्रदेशाध्यक्ष नाना पटोले यांनी नरेंद्र मोदी यांच्याबद्दल आक्षेपार्ह भाषेत वक्तव्य केल्याचा व्हिडिओ व्हायरल झाल्यानंतर भाजप आक्रमक झाला आहे. पटोले यांच्याविरोधात गुन्हा दाखल करण्याची मागणी भाजपच्या अनेक नेत्यांनी केली आहे. ठाण्यातील भाजप पदाधिकाऱ्यांनीही आज, मंगळवारी पटोले यांच्याविरोधात देशद्रोहाचा गुन्हा दाखल करावा, अशी मागणी केली आहे. तसेच यावेळी कार्यकर्त्यांनी पटोले यांचा निषेध व्यक्त केला. कापुरबावडी आणि नौपाडा पोलीस ठाण्यात नाना पटोले यांच्या विरोधात गुन्हा दाखल करण्याच्या मागणीसाठी निवेदन देण्यात आले आहे.

नाना पटोले यांनी मोदींबद्दल केलेले वक्तव्य निंदनीय असून, कायदा आणि सुव्यवस्था बिघडवणारे आहे, असे भाजप पदाधिकाऱ्यांचे म्हणणे असून, त्यांनी निषेध व्यक्त केला आहे. पंतप्रधान नरेंद्र मोदी यांच्या जीवाचे बरेवाईट व्हावे यासाठी ठिकठिकाणी कॉंग्रेसकडून जो प्रयत्न सुरू आहे, त्याचाच एक भाग म्हणून नाना पटोले असे बोलले तर नाही ना? असा प्रश्नही त्यांनी उपस्थित केला. मोदी यांच्याबद्दल केलेल्या वक्तव्याप्रकरणी पटोले यांच्या विरोधात देशद्रोहाचा गुन्हा दाखल व्हावा आणि त्यांच्यावर त्वरित कारवाई करण्यात यावी, अशी मागणी पोलिसांकडे केली असल्याचे भाजप युवा मोर्चाचे पदाधिकारी मयुरेश जोशी यांनी सांगितले.

माजी गृहमंत्री अनिल देशमुखांना मोठा झटका, PMLA कोर्टाने जामीन अर्ज फेटाळला
चोर सोडून… ; नाना पटोलेंविरोधात तक्रार करणाऱ्यांनाच ताब्यात घेतल्याचा आरोप, भाजप म्हणतो..

काही दिवसांपूर्वी पंजाब येथे सभेसाठी जात असताना पंतप्रधान नरेंद्र मोदी यांचा ताफा अडवण्यात आला होता. वैचारिक पातळीवर मोदींना कोणी अडवू शकत नाही. त्यामुळे कॉंग्रेस पक्ष हा विचारांनी विचारांची लढाई न लढता, अशा पातळीवर जाऊन हे सगळे करत असल्याचा आरोप भाजपकडून करण्यात आला आहे. अशा लोकांच्या विरोधात पोलिसांनी देशद्रोहाचा गुन्हा दाखल करावा, अशी मागणीही भाजपने केली. ठाण्यातील भाजप युवा मोर्चातर्फे कापुरबावडी आणि नौपाडा पोलीस ठाण्यात निवेदन देण्यात आले असून, पटोले यांच्यावर गुन्हा दाखल करण्यात यावा, अशी मागणी केलीय.

नाना पटोलेंची जागा तुरुंगात…; मोदींवरील आक्षेपार्ह भाषेतील टीकेनंतर भाजप नेत्याने दिला ‘हा’ इशारा
मोदींवर टीका करणाऱ्या नाना पटोलेंना अटक करा; नितीन गडकरी म्हणाले…

पटोले यांनी व्हिडिओ व्हायरल झाल्यानंतर खुलासा केला आहे. एका गावगुंडाबाबत वक्तव्य केल्याचे स्पष्टीकरण त्यांनी दिले आहे. मात्र, पटोले यांनी ही पळवाट शोधली असून, असा कोणीही गावगुंड त्या गावात नाही, असे समोर आले आहे. आता त्यांच्या पायाखालील वाळू सरकू लागली आहे. आता त्यांच्या विरोधात कुठेतरी गुन्हा दाखल होणार, या भीतीने गावगुंडाबद्दल बोलत असल्याचे स्पष्टीकरण ते देत आहेत, असंही भाजपच्या पदाधिकाऱ्यांचे म्हणणे आहे. नारायण राणेंसाठी एक न्याय आणि पटोले यांच्यासाठी एक न्याय का? असा सवाल देखील भाजपने केला आहे. महाविकास आघाडीचे सरकार असल्याने कदाचित पटोले यांच्यावर गुन्हे दाखल होणार नाहीत; पण येणाऱ्या निवडणुकांमध्ये नागरिक त्यांना जागा दाखवून देईल, असं भाजपचे गटनेते मनोहर डुंबरे यांनी सांगितलं.

LEAVE A REPLY

Please enter your comment!
Please enter your name here