sanjay raut: Sanjay Raut : महाविकास आघाडी पॅटर्न अयशस्वी; संजय राऊत म्हणाले, गोव्यात… – congress not be a part alliance in goa assembly elections shivsena sanjay raut says on mahavikas aghadi pattern

मुंबई : शिवसेना खासदार आणि नेते संजय राऊत (संजय राऊत) यांनी काँग्रेसवर निशाणा साधला आहे. राष्ट्रवादी काँग्रेस आणि शिवसेनेची गोव्यातही (Goa assembly election) काँग्रेससोबत महाराष्ट्राप्रमाणे महाविकास आघाडी स्थापन करण्याची इच्छा होती. मात्र, काँग्रेसने यात काहीही रस दाखवला नाही. त्यामुळे कदाचित गोव्यात स्वबळावर सरकार स्थापन करू, असा विश्वास काँग्रेसला वाटला असावा. त्यामुळे गोव्यात काँग्रेसने ‘एकला चलो रे’चा नारा दिला आहे, असे राऊत म्हणाले. महाविकास आघाडी पॅटर्न (Mahavikas Aghadi) महाराष्ट्राप्रमाणे गोव्यातही राबवण्याचे आमचे शर्थीचे प्रयत्न अयशस्वी ठरले, असेही ते म्हणाले.

गोव्यात काँग्रेससोबत आमची आघाडी होऊ शकली नाही. मात्र आमची चर्चा सुरू आहे. शिवसेना-राष्ट्रवादी काँग्रेस आघाडीबाबत आज, बुधवारी निर्णय होण्याची अपेक्षा आहे, असे संजय राऊत यांनी प्रसारमाध्यमांशी बोलताना सांगितले. गोव्यात जर खिचडी बनत असेल तर, कडीपत्ता, हळद अशापैकी काही न काही आम्ही किंवा राष्ट्रवादी काँग्रेस जरूर आणणार, असा विश्वासही त्यांनी व्यक्त केला.

Dapoli Nagar Panchayat : रामदास कदमांचं वर्चस्व संपलं, अनिल परबांनी करुन दाखवलं; नगरपंचायतीवर शिवसेना-राष्ट्रवादीची सत्ता
सिंधुदुर्गात शिवसेनेचा नारायण राणेंच्या वर्चस्वाला धक्का? संख्याबळ वाढले, पण सत्तेसाठी मदत लागणार

आज निर्णय जाहीर होण्याची शक्यता

गोव्यात आम्ही जास्त जागा लढवत नाही. आम्हाला मर्यादा काय आहे, किंवा आम्हाला काय करायचे आहे, हे ठाऊक आहे. काँग्रेस आणि भाजपमध्ये तिथे चांगली लढत होईल असे मला वाटते, असंही राऊत म्हणाले. तृणमूल काँग्रेस तिकडे ४० जागांवर निवडणूक लढत आहे. त्यामुळे मुख्यमंत्रिपदाचा चेहरा ते देऊ शकतात, असेही राऊत यांनी सांगितले. राष्ट्रवादीचे प्रमुख नेते प्रफुल्ल पटेल गोव्यात आहेत. माझे आताच मुख्यमंत्री उद्धव ठाकरे आणि आदित्य ठाकरे यांच्याशी बोलणे झाले आहे. मी देखील गोव्याला निघालो आहे. दुपारी आम्ही पत्रकार परिषद घेऊन त्यात निर्णय जाहीर करू, असेही राऊत यांनी सांगितले. गोव्यातही काँग्रेससोबत आघाडी व्हावी, यासाठी आम्ही दोन्ही पक्षांनी प्रयत्न केले. पण स्थानिक काँग्रेस नेत्यांना ती आघाडी पेलली नाही, म्हणून आम्ही त्यांना शुभेच्छा देतो आणि एकत्र लढतोय, असंही ते म्हणाले.

Nagarpanchyat Election results LIVE: दापोलीत रामदास कदमांना धक्का, अनिल परबांची सरशी; नगरपंचायतीवर शिवसेना-राष्ट्रवादीची सत्ता