aaditya thackery: विरोधकांची सतत माझ्यावर टीका, पण त्यांचा फोकस माझ्यावर, याचं मला बरं वाटतं : आदित्य ठाकरे – cm uddhav thackeray will active soon says shivsena minister aaditya thackery

मुंबई : मुख्यमंत्री उद्धव ठाकरे यांची प्रकृती ठणठणीत आहे. ते लवकरच अ‍ॅक्शन मोडमध्ये दिसतील. विरोधक आरोप करुन जनतेला भरकटवत आहेत. त्यांच्याकडे लक्ष देण्याजी गरज नाही, असे वक्तव्य शिवसेनेचे मंत्री आदित्य ठाकरे (Aaditya Thackeray) यांनी केले. आदित्य ठाकरे यांच्या मुंबईतील वरळी मतदारसंघात रविवारी तब्बल १८ विकासकामांचा भूमिपूजन आणि लोकार्पण सोहळा पार पडणार आहे. यावेळी आदित्य ठाकरे यांनी प्रसारमाध्यमांशी संवाद साधला. निवडणुका येत-जात असतात. आम्ही कामं नेहमीच काम करत असतो. कितीही काम केलं तरी विरोधक टीका करतातच. त्यांना काही दिसतंच नाही. तरीही विरोधकांचं माझ्यावर लक्ष आहे, हे पाहून बरं वाटतं, असेही आदित्य ठाकरे यांनी म्हटले. (शिवसेना मंत्री आदित्य ठाकरे वरळी मुंबईतील विकास प्रकल्पाचे उद्घाटन)

तसेच विरोधक आरोप-प्रत्यारोप करुन मुख्यमंत्र्यांची प्रतिम मलीन करण्याचा प्रयत्न करु पाहत असल्याचेही आदित्य ठाकरे यांनी म्हटले. विरोधक जनतेला भरकटवत असतात. कालपरवा जो सर्व्हे आला त्यात मुख्यमंत्री टॉप फाईव्हमध्ये आहेत आणि जनता जनार्दन मुख्यमंत्र्यासोबत आणि आमच्यासोबत ठाम उभा आहे, असेही आदित्य ठाकरे यांनी सांगितले.
Balasaheb Thackeray birth anniversary: आदित्य ठाकरेंकडून आजोबांसोबतच्या बालपणीच्या आठवणींना उजाळा
मुख्यमंत्री उद्धव ठाकरे यांच्यावर काही दिवसांपूर्वीच शस्त्रक्रिया झाली होती. त्यामुळे उद्धव ठाकरे हे बरेच दिवस घरातून बाहेर पडलेले नाहीत. राज्य विधिमंडळाच्या हिवाळी अधिवेशनाला आणि मंत्रिमंडळाच्या बैठकांनाही उद्धव ठाकरे प्रत्यक्ष उपस्थित नव्हते. त्यानंतर उद्धव ठाकरे पंतप्रधान मोदी यांनी बोलवलेल्या बैठकीला गैरहजर राहिल्यानंतर विरोधकांनी नवा मुद्दा मिळाला होता. त्यामुळे उद्धव ठाकरे यांनी मुख्यमंत्रीपदाचा चार्ज दुसऱ्या कोणत्या नेत्याकडे द्यावा, अशी मागणी भाजप नेते करत आहेत. मात्र, महाविकासआघाडीचे नेते वारंवार उद्धव ठाकरे यांची प्रकृती व्यवस्थित असून ते कामही करत असल्याचे सांगत आहेत. त्यामुळे आता उद्धव ठाकरे प्रत्यक्षात फिल्डवर कधी उतरणार, याची उत्सुकता सर्वांना लागली आहे.
BMC Election 2022: मुंबईत भाजप-मनसेची युती होणार, गुप्त ‘सहकार्या’चा फॉर्म्युलाही ठरला?
मुख्यमंत्री आज शिवसैनिकांशी संवाद साधणार

शिवसेनाप्रमुख दिवंगत बाळासाहेब ठाकरे यांची आज जयंती. मुख्यमंत्री उद्धव ठाकरे आणि पर्यावरण मंत्री आदित्य ठाकरे यांनी या निमित्ताने आज नेताजी सुभाषचंद्र बोस आणि बाळासाहेब ठाकरे यांच्या प्रतिमांना अभिवादन केले. शिवसेनेचे खासदार संजय राऊत यांनी ट्विट करत ही माहिती दिली. ठाकरे जयंतीनिमित्त आज मुख्यमंत्री ठाकरे शिवसैनिकांशी संवाद साधणार असल्याची माहिती राऊत यांनी दिली आहे. उद्धव ठाकरे भाषण देत असताना विरोधकांनी राजभवनच्या मुख्य दारात उभे राहून त्यांचे भाषण ऐकावे असा सल्लाही राऊत यांनी विरोधी पक्षाच्या नेत्यांना दिला आहे.