हायलाइट्स:

  • धरणगाव शहरात धक्कादायक प्रकार
  • घरात तयार केली जात होती बनावट देशी दारू
  • कारवाई करुन कारखाना उद्ध्वस्त

जळगाव : धरणगाव शहरात नव्याने बांधलेल्या घरात बनावट देशी दारू तयार करण्याचा कारखाना उभारण्यात आल्याचा धक्कादायक प्रकार समोर आला आहे. या बनावट दारू निर्मितीच्या कारखान्यावर शनिवारी रात्री जळगाव राज्य उत्पादन शुल्क विभागाच्या पथकाने कारवाई करुन कारखाना उद्ध्वस्त केला आहे. या प्रकरणात चार जणांना अटक करण्यात आली असून दारू निर्मितीच्या साहित्यासह ११ लाखांचा मुद्देमाल जप्त करण्यात आला आहे. (Jalgaon Crime Latest Update)

भूपेंद्र गोकुळ पाटील (वय २९), गौतम नरेंद्र माळी (वय ३२), कडू राजाराम मराठे (वय ४०) आणि भास्कर पांढरा मराठे ( वय ६३, सर्व रा.धरणगाव) अशी अटकेतील चौघांची नावे आहेत. दरम्यान या कारवाईने जिल्ह्यात एकच खळबळ उडाली आहे.

landslide in kurla मुंबई: कुर्ल्यात घरावर दरड कोसळून महिलेचा मृत्यू; रहिवाशांनी केला गंभीर आरोप

धरणगाव शहरातील साई गजानन पार्कमध्ये भास्कर पांढरा मराठे यांच्या राहत्या घरामध्ये बनावट देशी दारू तयार करून त्याची जिल्ह्यात विक्री केली जात असल्याची गोपनीय माहिती राज्य उत्पादन शुल्क विभागाच्या सीमा झावरे यांना मिळाली. त्यानुसार राज्य उत्पादन शुल्क विभागाचे भरारी पथकाचे निरीक्षक सी. एच. पाटील, दुय्यम निरीक्षक एस.एफ.ठेंगडे, जवान एन.व्ही.पाटील, ए.व्ही.गावंडे, एम.डी.पाटील, के.पी.सोनवणे व राहूल सोनवणे यांच्या पथकाने माहितीची खात्री केली आणि शनिवारी रात्री संबंधित दारू निर्मिती केल्या जाणार्‍या घराला घेराव घालून पथकाने छापा टाकला. यावेळी दारू तयार करताना आढळून आलेल्या भूपेंद्र गोकुळ पाटील, गौतम नरेंद्र माळी, कडू राजाराम मराठे व भास्कर पांढरा मराठे या चार जणांना अटक करण्यात आली आहे.

या कारवाईत राज्य उत्पादन शुल्क विभागाने देशी मद्य तयार करण्यासाठी लागणारे स्पीरिट, देशी दारुच्या ५ हजार ११६ बाटल्या, टँगो पंचच्या ८ हजार ६०० बाटल्या, देशी मद्याचा तयार ब्लेंड, चार सिलिंग मशीन, एक ब्लेडींग मशीन, बुचे, रिकाम्या बाटल्या, खोके, कागदी लेबल व दोन दुचाकी असा एकूण ११ लाख २ हजार ४०० रुपयांचा मुद्देमाल जप्त करण्यात आला आहे. भूपेंद्र गोकुळ पाटील, गौतम नरेंद्र माळी, कडू राजाराम मराठे व भास्कर पांढरा मराठे या अटकेतील चार जणांना धरणगाव येथील न्यायालयात हजर करण्यात आले.

LEAVE A REPLY

Please enter your comment!
Please enter your name here