लॉकडाऊनचा ७वा दिवस; अशी आहे स्थिती

देशभरात लॉकडाऊनचा आजचा सातवा दिवस आहे. देशभरात करोनाची लागण झालेल्या रुग्णांची संख्या वाढत असून आतापर्यंत १२९९ इतक्या रुग्णांची नोंद करण्यात आली आहे. पाहुयात, आज लॉकडाऊन आणि करोनाबाबत देशातील विविध राज्यांमधील स्थिती काय आहे.

Live अपडेट्स…
>> दिल्ली: निजामुद्दीन भागातून आजही लोकांना तपासणीसाठी हॉस्पिटलमध्ये नेण्यात येत आहे.

>> देशभरात आतापर्यंत १२९९ रुग्णाची नोंद. मृतांची संख्या ३६ वर.

>> महाराष्ट्रात आतापर्यंत १० रुग्णांचा मृत्यू.

>> कर्नाटकात आणखी ३ नवे रुग्ण.. रुग्णांची एकूण संख्या ९१ वर.

>> नोएडा: तीन महिन्यांची सुट्टी मागणारे जिल्हाधिकारी बी. एन. सिंह यांची बदली. त्यांना लखनऊ येथील महसूल विभागात पाठवण्यात आले आहे.

>> दिल्लीतील एलएनजेपी रुग्णालयात १७४ करोनाच्या संशयित रुग्णांना दाखल करण्यात आले आहे. यात १६३ निजामुद्दीन येथील आहेत.

>> दिल्ली सरकारने पोलिसांना निजामुद्दीन मरकजच्या मौलानांविरोधात एफआयआर दाखल करण्याच्या केल्या सूचना.

>> कर्नाटक: रात्री १० वाजल्यापासून सकाळी ७ वाजेपर्यंत म्हणजेच झोपण्याच्या वेळेत हे लागू होणार नाही- डॉ. के. सुधाकर, कर्नाटकचे मंत्री.

>> कर्नाटकात होम क्वारंटाइन असलेल्या लोकांना दर तासाला सरकारला आपली सेल्फी पाठवायची आहे. त्याने सेल्फी पाठवली नाही, तर अशा लोकांना सरकारी क्वारंटाइनमध्ये पाठवले जाणार आहे- डॉ. के. सुधाकर, कर्नाटकचे मंत्री.