देवेंद्र फडणवीस नागपूरात होते, त्यांचा मुंबईच काय महाराष्ट्राच्या राजकारणाशीही संबंध नव्हता. या सगळ्या गोष्टी देवेंद्र फडणवीस यांच्या जन्मापूर्वीच्या आहेत. त्यामुळे याविषयी माहिती नसेल तर शिवसेना रामभाऊ म्हाळगी प्रबोधिनीत त्यांच्यासाठी एक अभ्यास शिबीर ठेवेल, असा टोला संजय राऊत यांनी लगावला.

राऊत फडणवीस

पंतप्रधान नरेंद्र मोदी यांनी अयोध्येत राम मंदिर करुन दाखवलं, असे वक्तव्य करणाऱ्या देवेंद्र फडणवीस यांना संजय राऊत यांनी फटकारले.

हायलाइट्स:

  • देवेंद्र फडणवीस बाबरी पतन आणि अयोध्येच्या लढ्यात शिवसेनेचा सहभाग नसल्याचे म्हणतात
  • त्यावेळी सीबीआयच्या विशेष न्यायालयात लालकृष्ण अडवाणी यांच्यासोबत बाळासाहेब ठाकरे यांच्यावरही गुन्हा आणि खटला दाखल झाला होता
  • मुंबईतून उत्तर प्रदेशात शेकडो कारसेवक गेले होते

मुंबई : महाराष्ट्रात हिंदुत्त्वाचा मुद्द्यावर राजकारण करणाऱ्या शिवसेनेला इतक्या वर्षांमध्ये साधं औरंगाबादचं नाव बदलता आलं नाही, असा टोला लगावणारे भाजप नेते देवेंद्र फडणवीस यांना शिवसेना खासदार संजय राऊत (संजय राऊत) यांनी चोख प्रत्युत्तर दिले. देवेंद्र फडणवीस (देवेंद्र फडणवीस) हेदेखील पाच वर्षे राज्याचे मुख्यमंत्री होते. मग तेव्हा देवेंद्र फडणवीस यांनीच औरंगाबादचं नामांतर का केलं नाही. ते पाच वर्षे औरंगजेबाला कवटाळून बसले होते का, असा सवाल संजय राऊत यांनी उपस्थित केला. एखाद्या शहराचं नाव बदलायचं असेल तर त्याला केंद्र सरकारने परवानगी द्यावी लागते. देवेंद्र फडणवीस हिंदुत्वावादी आहेत, योगी आदित्यनाथ यांनी अलहाबादचं नाव बदलून प्रयागराज केले असे, ते सांगतात. मग मुख्यमंत्री फडणवीस यांनी योगींप्रमाणे औरंगाबादचं नाव का बदललं नाही? केंद्र सरकारने त्यासाठी परवानगी का दिली नाही, असा सवाल संजय राऊत यांनी विचारला.

शिवसेनेपूर्वी भाजपने मुंबईत पहिला नगरसेवक निवडून आणला होता, या देवेंद्र फडणवीस यांच्या टिप्पणीलाही संजय राऊत यांनी प्रत्युत्तर दिले. शिवसेनेला जन्म हा १९६९ साली झाला, तर भाजपचा जन्म १९८० मध्ये झाला. त्याकाळात मुंबईत हेमचंद्र गुप्ते यांच्या रुपाने शिवसेनेचा पहिला महापौर निवडून आला होता. तसेच वामन महाडिक, प्रमोद नवलकर आणि छगन भुजबळ हे शिवसेनेचे आमदारही निवडून आले होते. त्यावेळी देवेंद्र फडणवीस नागपूरात होते, त्यांचा मुंबईच काय महाराष्ट्राच्या राजकारणाशीही संबंध नव्हता. या सगळ्या गोष्टी देवेंद्र फडणवीस यांच्या जन्मापूर्वीच्या आहेत. त्यामुळे याविषयी माहिती नसेल तर शिवसेना रामभाऊ म्हाळगी प्रबोधिनीत त्यांच्यासाठी एक अभ्यास शिबीर ठेवेल, असा टोला संजय राऊत यांनी लगावला.
…तर देशात शिवसेनेचा पंतप्रधान; संजय राऊत यांनी सांगितली शिवसेना लाटेची ‘ती’ आठवण
‘राममंदिर हे मोदींनी नव्हे तर सर्वोच्च न्यायालयाने करुन दाखवलं’

पंतप्रधान नरेंद्र मोदी यांनी अयोध्येत राम मंदिर करुन दाखवलं, असे वक्तव्य करणाऱ्या देवेंद्र फडणवीस यांना संजय राऊत यांनी फटकारले. राम मंदिर हे नरेंद्र मोदी यांनी नव्हे तर सर्वोच्च न्यायालयाने करुन दाखवले. त्यासाठी अयोध्येचा निकाल देणारे न्यायमूर्ती रंजन गोगोई यांना भाजपने खासदारकी दिल्याचे संजय राऊत यांनी म्हटले.
Devendra Fadnavis: बाळासाहेबांनी शिवसेनेला सडवलं असं तुमचं म्हणणं आहे का? फडणवीसांचा उद्धव ठाकरेंना सवाल
देवेंद्र फडणवीस बाबरी पतन आणि अयोध्येच्या लढ्यात शिवसेनेचा सहभाग नसल्याचे म्हणतात. पण त्यावेळी सीबीआयच्या विशेष न्यायालयात लालकृष्ण अडवाणी यांच्यासोबत बाळासाहेब ठाकरे यांच्यावरही गुन्हा आणि खटला दाखल झाला होता. तेव्हा न्यायालय मूर्ख होतं का? त्याकाळात मुंबईतून उत्तर प्रदेशात शेकडो कारसेवक गेले होते. त्यांचा कोणताही पक्ष नव्हता. त्या काळातील सामना दैनिकाच्या रोजच्या अंकात कोण कुठून अयोध्येसाठी रवाना झाले आहे, याची माहिती प्रसिद्ध केली जात होती. मुंबईत वॉर रुम स्थापन करुन शिवसेना या सगळ्यावर नियंत्रण ठेवून होती. त्यामुळे देवेंद्र फडणवीस यांनी कितीही वेगळी माहिती प्रसवली तरी लोकांचा त्यावर विश्वास बसणार नाही. मध्यंतरी अयोध्या लढा थंड पडला तेव्हा उद्धव ठाकरे यांनीच अयोध्येत जाऊन वातावरण पुन्हा तापवले, असेही संजय राऊत यांनी म्हटले.

जवळच्या शहरातील बातम्या

मराठी बातम्या अॅप: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

वेब शीर्षक: अयोध्या राममंदिर आणि औरंगाबादचे नाव बदलण्याच्या मुद्द्यावरून शिवसेना खासदार संजय राऊत यांनी भाजपच्या देवेंद्र फडणवीस यांना फटकारले आहे.
मराठी बातम्या महाराष्ट्र टाइम्स, टीआयएल नेटवर्क कडून

LEAVE A REPLY

Please enter your comment!
Please enter your name here