पंजाबच्या टँकरचालकाचा महाराष्ट्रातील घाटात खून; सीसीटीव्ही फुटेजमधून होणार आरोपींचा खुलासा – punjab tanker driver murdered in fonda ghat in maharashtra

कोल्हापूर : कोल्हापूर-गोव्याला जोडणाऱ्या फोंडा घाटात टँकरचालकाचा खून झाल्याची घटना उघडकीस आली आहे. खून झालेला पंजाब राज्यातील असून तरलोकसिंग धरमसिंग (वय ५४) असं त्याचं नाव आहे. जीपीएस सिस्टीममध्ये टँकर घाटात असल्याची माहिती मिळाल्यावर पोलिसांनी टँकरचा शोध घेतला असता खून झाल्याचं लक्षात आलं. (कोल्हापूर हत्याकांड ताज्या बातम्या)

मिळालेल्या माहितीनुसार, राधानगरी फोंडा राज्यमार्ग नं-१७८ वर शेळप बांबर दरम्यान टँकर चालक तरलोकसिंग धरमसिंग याने रस्त्याच्या बाजुला टँकर लावल्याचं जीपीआरएस सिस्टीमद्वारे टँकर मालकाला समजले. त्यानुसार चौकशी केली असता थांबलेल्या टँकरमध्ये चालकाचा केबिनमध्ये खून केल्याचं निदर्शनास आले. त्याच्या डोक्यावर आणि कानाच्या पाठीमागे वार झाल्याचे दिसून आले. कोणीतरी अज्ञातांनी दोन दिवसापूर्वी हा खून केला असल्याचा पोलिसांना संशय आहे.

मुंबईत जमावाच्या मारहाणीत रिक्षा चालकाचा मृत्यू, मारेकऱ्यांच्या राजकीय कनेक्शनमुळे तपासात अडथळे?

याबाबत राधानगरी येथील एका ठिकाणचे सीसीटीव्ही फुटेजही पोलिसांच्या हाती लागले असून लवकरच आरोपींना ताब्यात घेतले जाईल, असं राधानगरी पोलिसांनी सांगितलं आहे. याप्रकरणी अधिक तपास राधानगरी ठाण्याचे पोलीस निरीक्षक आप्पासो कोळी, उपनिरीक्षक नजीरखान, सुरेश मेटील, कृष्णात यादव आदी करत आहेत.