१२ नोव्हेंबरला मुंबईच्या रिलायन्स रुग्णालयात मुख्यमंत्री उद्धव ठाकरे यांच्या मणक्याची शस्त्रक्रिया झाली होती. त्यानंतर २ डिसेंबरला उद्धव ठाकरे यांना रुग्णालयातून डिस्चार्ज मिळाला होता. तेव्हापासून उद्धव ठाकरे हे मातोश्रीवर बसूनच राज्याचा कारभार हाताळत आहेत.

 

Uddhav Thackeray (1)

१२ नोव्हेंबरला मुंबईच्या रिलायन्स रुग्णालयात मुख्यमंत्री उद्धव ठाकरे यांच्या मणक्याची शस्त्रक्रिया झाली होती. त्यानंतर २ डिसेंबरला उद्धव ठाकरे यांना रुग्णालयातून डिस्चार्ज मिळाला होता.

हायलाइट्स:

  • गेल्याच महिन्यात पार पडलेल्या हिवाळी अधिवेशनालाही ते उपस्थित राहू शकले नव्हते
  • उद्धव ठाकरे पंतप्रधान मोदी यांनी बोलवलेल्या बैठकीलाही ते गैरहजर होते

मुंबई: मणक्यावरील शस्त्रक्रियेमुळे गेल्या अनेक दिवसांपासून व्हीडिओ कॉन्फरन्सिंगद्वारे राज्याचा कारभार हाताळणारे मुख्यमंत्री उद्धव ठाकरे (CM Uddhav Thackeray) अखेर घराबाहेर पडणार आहे. उद्या म्हणजे २६ जानेवारीला मुंबईच्या शिवाजी पार्क येथे होणाऱ्या प्रजासत्ताक दिनाच्या कार्यक्रमाला मुख्यमंत्री उद्धव ठाकरे हे उपस्थित राहणार आहेत. तब्बल अडीच महिन्यानंतर मुख्यमंत्री उद्धव ठाकरे प्रत्यक्षात एखाद्या कार्यक्रमाला हजेरी लावणार आहेत. त्यामुळे सर्वांनाच उद्या उद्धव ठाकरे यांना पाहण्याची उत्सुकता लागली आहे.
विरोधकांच्या टीकेचं मी पाहून घेतो, तुम्ही निवडणुकीच्या तयारीला लागा; उद्धव ठाकरेंचा शिवसैनिकांना आदेश
१२ नोव्हेंबरला मुंबईच्या रिलायन्स रुग्णालयात मुख्यमंत्री उद्धव ठाकरे यांच्या मणक्याची शस्त्रक्रिया झाली होती. त्यानंतर २ डिसेंबरला उद्धव ठाकरे यांना रुग्णालयातून डिस्चार्ज मिळाला होता. तेव्हापासून उद्धव ठाकरे हे मातोश्रीवर बसूनच राज्याचा कारभार हाताळत आहेत. या काळात सर्व प्रशासकीय चर्चा, टास्क फोर्स आणि मंत्रिमंडळाच्या बैठकांना उद्धव ठाकरे व्हीडिओ कॉन्फरन्सिंगच्या माध्यमातूनच हजेरी लावत होते. गेल्याच महिन्यात पार पडलेल्या हिवाळी अधिवेशनालाही ते उपस्थित राहू शकले नव्हते. त्यानंतर उद्धव ठाकरे पंतप्रधान मोदी यांनी बोलवलेल्या बैठकीलाही ते गैरहजर होते. इतका काळ मुख्यमंत्री दिसत नसल्याने विरोधकांनी टीका करायला सुरुवात केली होती. उद्धव ठाकरे यांना जमत नसल्यास त्यांनी मुख्यमंत्रीपदाचा चार्ज तात्पुरता दुसऱ्या नेत्याकडे द्यावा, अशी मागणीही भाजपच्या नेत्यांनी केली होती.
चंद्रकांत पाटील म्हणाले जमत नसेल मुख्यमंत्रीपदाचा चार्ज दुसऱ्याकडे द्या; आदित्य ठाकरे म्हणाले…
दिवंगत बाळासाहेब ठाकरे यांच्या जयंतीनिमित्त उद्धव ठाकरे यांनी शिवसैनिकांना संबोधित केले होते. त्यावेळी आपण लवकरच घराबाहेर पडून महाराष्ट्र पिंजून काढणार असल्याचे म्हटले होते. मुख्यमंत्री उद्धव ठाकरे प्रजासत्ताक दिनाच्या कार्यक्रमाला प्रत्यक्ष उपस्थित राहणार असल्याने भाजप नेते सुधीर मुनगंटीवार यांनी समाधान व्यक्त केले आहे. आम्हाला मुख्यमंत्र्यांच्या तब्येतीची काळजी होती. त्यामुळे आम्ही आजारपणाच्या काळात त्यांनी मुख्यमंत्रीपदाचा चार्ज दुसऱ्याकडे द्यावा, असे सांगत होतो. यामध्ये टीकेचा उद्देश नव्हता, असे सुधीर मुनगंटीवार यांनी स्पष्ट केले.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : cm uddhav thackeray will attend republic day cermoney 2022 in mumbai
Marathi News from Maharashtra Times, TIL Network

LEAVE A REPLY

Please enter your comment!
Please enter your name here