हायलाइट्स:
- अमेरिकेकडून भारत-पाकिस्तानला सारखाच दर्जा
- बायडेन प्रशासनाकडून ट्रॅव्हल अॅडव्हायजरी जारी
- जम्मू आणि काश्मीर राज्यात प्रवास टाळण्याचा सल्ला
अमेरिकेतील जो बायडेन प्रशासनाकडून आपल्या नागरिकांना भारत प्रवासाविषयी सूचना देण्यात आलीय. कोविड १९, बलात्कारांचं वाढतं प्रमाण आणि जम्मू-काश्मीरमध्ये सुरू असलेल्या दशतवादाच्या पार्श्वभूमीवर भारतात कोणत्याही कारणासाठी प्रवास करण्यावर पुनर्विचार करावा, असं या प्रवासी सूचनेत म्हटलं गेलंय.
नुकतीच, ‘यूएस सेंटर्स फॉर डिसीज कंट्रोल‘कडून भारतातील वाढत्या करोनाबाधितांच्या संख्येच्या पार्श्वभूमीवर तिसऱ्या स्तरावर (Level-3) प्रवास आणि आरोग्य सूचना जारी करण्यात आली होती. त्यानंतर प्रशासनाकडून ही ‘ट्रॅव्हल अॅडव्हायझरी‘ (Travel Advisory) जारी करण्यात आलीय.
भारतातील वाढत्या बलात्कार प्रकरणांच्या पार्श्वभूमीवर बायडेन प्रशासनाकडून महिलांच्या सुरक्षेचा मुद्दाही अधोरेखित करण्यात आलाय. ‘भारतीय अधिकाऱ्यांच्या रिपोर्टनुसार, बलात्कार हा भारतातील सर्वात वेगानं वाढणाऱ्या गुन्ह्यांपैकी एक ठरतोय. लैंगिक अत्याचारासारखे हिंसक गुन्हे पर्यटन आणि इतर ठिकाणी घडले आहेत’ असं बायडेन प्रशासनानं नमूद केलंय.
‘अमेरिकन नागरिकांनी दहशतवाद आणि नागरी अशांतता लक्षात घेता जम्मू आणि काश्मीर राज्यात (पूर्व लडाख प्रदेश आणि त्याची राजधानी लेह वगळता) प्रवास करू नये. सशस्त्र संघर्षाच्या शक्यतेच्या पार्श्वभूमीवर भारत-पाकिस्तान सीमेच्या १० किमी आतपर्यंत जाऊ नये’ असं अमेरिकेनं आपल्या ट्रव्हल अॅडव्हायजरीत म्हटलंय.
Pakistan: पाकिस्तानात कट्टरपंथियांकडून हिंगलाज मंदिरावर हल्ला
India Pakistan: ‘भारताकडून स्थानिक गुंडांना पैसे’; पाकिस्तान गृहमंत्र्यांची वाचाळ बडबड
अमेरिकेकडून भारत-पाकिस्तानला सारखाच दर्जा
अमेरिकेच्या परराष्ट्र मंत्रालयानं भारताला ‘ट्रॅव्हल अॅडव्हायजरी’त तिसऱ्या स्तराचा दर्जा (Level 3) दिलाय. उल्लेखनीय म्हणजे, अमेरिकेकडून पाकिस्तानलाही हाच दर्जा देण्यात आलाय.
‘पाकिस्तानमध्ये दहशतवाद आणि फुटीरतावादी हिंसाचार वाढत आहे. पाकिस्तानातील काही भागांत धोका मोठ्या प्रमाणात वाढला आहे’ असं अमेरिकेनं पाकिस्तानबद्दल म्हटलंय. परंतु, करोना संक्रमणाच्या धोक्याबाबत मात्र सीडीसीनं पाकिस्तानला पहिल्या श्रेणीवर (Level 1) श्रेणीत ठेवलंय. अमेरिकेनं आपल्या नागरिकांना बलुचिस्तान आणि खैबर पख्तूनख्वा प्रांतात प्रवास न करण्याचा सल्ला दिलाय. या भागात दहशतवाद आणि अपहरणाच्या घटना घडत असल्याचंही ट्रव्हल अॅडव्हाजरीत नमूद करण्यात आलंय.
Russia-Ukraine Crisis: तिसऱ्या महायुद्धाची चाहूल? रशिया – युक्रेन तणावामागची कारणं समजून घ्या…
‘मानवी तस्करी’चे बळी? थंडीत गारठून कॅनडा-अमेरिका सीमेवर गुजराती कुटुंबाचा मृत्यू, एकाला अटक
