हायलाइट्स:
- लाल ग्रहाबद्दल शास्त्रज्ञांचा मोठा खुलासा
- ‘जवळपास ६० कोटी वर्षांपर्यंत मंगळ ग्रहावर लघुग्रहांचा वर्षाव सुरू होता’
- ऑस्ट्रेलियातील ‘कर्टिन विद्यापीठा’तील शास्त्रज्ञांचा अंदाज
‘लाल ग्रह’ म्हणून ओळखल्या जाणाऱ्या मंगळाच्या संदर्भातील एका संशोधना दरम्यान शास्त्रज्ञांनी मोठा खुलासा केलाय. जवळपास ६० कोटी वर्षांपर्यंत मंगळ ग्रहावर लघुग्रहांचा वर्षाव सुरू होता, असा खुलासा शास्त्रज्ञांनी मंगळाच्या विवरांचा अभ्यास करताना केलाय.
ऑस्ट्रेलियातील ‘कर्टिन विद्यापीठा’तील शास्त्रज्ञांद्वारे करण्यात आलेल्या या अभ्यासात अगोदरच्या काही अभ्यासांना आव्हान देण्यात आलंय.
वास्तविकता: ग्रह किती जुना आहे आणि खगोलीय खडकांनी किती वेगानं त्याला लक्ष्य केलंय हे ग्रहांवरच्या खड्ड्यांद्वारे तपासलं जातं. एखाद्या ग्रहावर जितके जास्त खड्डे… तितका तो ग्रह जुना असतो, असं मानलं जातं.
संशोधनकर्ते डॉ. लगैन यांनी ५२१ खड्ड्यांचा अभ्यास करून हा निष्कर्ष काढलाय. हे सर्व खड्डे २० किलोमीटरच्या परिघात होते. एकूण ५२१ खड्ड्यांपैंकी केवळ ४९ खड्डे ६० कोटी वर्ष जुने होते. इतकंच नाही तर हे खगोलीय दगड मंगळावर आदळत राहिल्याचं तज्ज्ञांना त्यांच्या अभ्यासादरम्यान आढळून आलं.
US Travel Advisory: भारतात बलात्काराच्या घटना, दहशतवादात वाढ; अमेरिकेकडून नागरिकांना सूचना
Pakistan: पाकिस्तानात कट्टरपंथियांकडून हिंगलाज मंदिरावर हल्ला
खड्यांची ओळख पटवणाऱ्या ‘अल्गोरिदम’द्वारे दगड कोसळल्यानंतर तयार झालेल्या खड्ड्याा आकार, वेळ आणि त्यांच्या संख्येचा अभ्यास केला जाऊ शकतो, असंही शोधकर्त्यांनी म्हटलंय.
मंगळ ग्रहाच्या पृष्ठभागावर आदळण्यापूर्वी लघुग्रह अनेक भागात विभागले गेले होते. यामुळे लघुग्रह अनेक ठिकाणी आदळल्याचा भ्रम निर्माण झाला. शास्त्रज्ञांच्या म्हणण्यानुसार, या तंत्राचा वापर करून चंद्रावरील हजारो विवरांच्या निर्मितीची वेळ कळू कळेल आणि चंद्राच्या विकासाचा अंदाज लावता येईल.
संशोधनाचे सह-लेखक ग्रेचेन बेनेडिक्स यांच्या म्हणण्यानुसार, भविष्यात पृथ्वीच्या संरक्षणासाठी आपल्याला हा शोध उपयोगी ठरू शकेल.
India Pakistan: ‘भारताकडून स्थानिक गुंडांना पैसे’; पाकिस्तान गृहमंत्र्यांची वाचाळ बडबड
Russia-Ukraine Crisis: तिसऱ्या महायुद्धाची चाहूल? रशिया – युक्रेन तणावामागची कारणं समजून घ्या…
