हायलाइट्स:
- चीनकडून होवित्झर तोफा, रॉकेट लॉन्चरची खरेदी
- शत्रुवर अत्यंत वेगानं हल्ला करण्यासाठी सक्षम तोफ
- चीन आणि पाकिस्तानमध्ये ५१ कोटी डॉलरचा सौदा
भारताची के-९ वज्र तोफ आणि पिनाका रॉकेट लॉन्चरनं धडकी भरल्यानंतर पाकिस्ताननं घाईघाईनं चीनकडून नव्या होवित्झर तोफ आणि मल्टी बॅरल रॉकेट लॉन्चर खरेदी केलंय. चीनची ही तोफ टँकच्या चेसिसवर बनवण्यात आली आहे. त्यामुळे शत्रुवर अत्यंत वेगानं हल्ला करण्यासाठी ही तोफ सक्षम आहे.
चिनी कंपनी ‘नॉरिन्को’नं पाकिस्तानला AR-1 300 MM मल्टी-बॅरल रॉकेट लाँचर पुरवलंय. पाकिस्तानला या शस्त्रांची पहिली बॅच ताब्यात मिळाली आहे. चीन आणि पाकिस्तानमधील हा संपूर्ण सौदा ५१ कोटी डॉलरचा आहे.
एकीकडे भारताला घेरण्यासाठी चीनकडून हायपरसॉनिक क्षेपणास्त्रांपासून S-400 तैनात केलं जात असताना दुसरीकडे पाकिस्तानला घातक शस्त्रांनी सुसज्ज करण्याचे प्रयत्न चीनकडून सुरू आहेत. भारत आपल्या पश्चिम सीमेवर अडकून राहावा आणि चीनला पूर्वेकडे भारताविरुद्ध मजबूत आघाडी मिळवण्यासाठी संधी मिळावी हा चीनचा डाव आहे.
Hypersonic Engine: चीनकडून जगाला इशारा! नव्या हायपरसॉनिक इंजिनची चाचणी
Russia – Ukraine Crisis: रशिया-युक्रेन युद्ध रोखण्यात भारताची भूमिका महत्त्वाची, अमेरिकेला विश्वास
१९९० च्या दशकात चीननंच पाकिस्तानला अणुशक्ती निर्माण करण्यास मदत केली होती. ‘हिंदुस्तान टाईम्स’च्या वृत्तानुसार, चीन आणि पाकिस्तानमध्ये २०१९ मध्ये एक करार झाला होता. या करारांतर्गत चीन पाकिस्तानला 236 SH-15 155 mm होवित्झर तोफा आणि AR-1 हेवी रॉकेट लाँचर पुरवणार असं ठरलं होतं. याशिवाय चीन पाकिस्तानला लांब पल्ल्याच्या तोफगोळ्यांचं तंत्रज्ञानही देणार आहे, जेणेकरून अशी हत्यारं पाकिस्तानला तयार करता येतील. या तोफगोळ्यांची मारक क्षमता ५३ किमीपर्यंत आहे.
मिळालेल्या माहितीनुसार, चीनकडून पाकिस्तानला मध्यम पल्ल्याची DF-17 ‘हायपरसॉनिक मोबाईल क्षेपणास्त्र‘ सुपूर्द केली आहेत. या मिसाईलचा थांगपत्ता भारताच्या S-400 ला लागणार नाही, असाही दावा केला जातोय. या क्षेपणास्त्राची रेंज १९५० किमी असून त्याचा वेग आवाजाच्या वेगापेक्षा पाच पटींनी अधिक आहे.
Russia Ukraine Crisis: भारत दौऱ्यावर एक ‘चूक’… आणि जर्मन नौदल प्रमुखांवर राजीनाम्याची वेळ!
US Ukraine Russia: अमेरिकेनं युक्रेनला धाडलेल्या प्रत्येक मिसाईलवर कोरलं ‘पुतीन’ यांचं नाव!
