महिलेच्या छातीवर सुमारे १० ते १२ मिनीट दाब देऊन त्यांचा श्वास मोकळा केला अन् हृदयक्रियाही सुरु झाली. शिवाय प्राथमिक उपचारासाठी लागणारी औषधीही दिली. त्यानंतर जालना येथे महिलेस तिच्या नातेवाईकांच्या हवाली केले. बुधवारी ता.२६ दुपारी हा प्रकार घडला आहे.
ओमिक्रॉनबद्दल आली धक्कादायक माहिती समोर, जागतिक आरोग्य संघटनेच्या प्रमुखांकडून इशारा
मिळालेल्या माहितीनुसार, हिंगोली येथील व्यापारी विजय महाजन व त्यांचे बंधू किशोर महाजन हे बुधवारी ता. २६ सकाळी साडेआकरा वाजता परभणी येथून नाशीक येथे जाण्यासाठी तपोवन एक्सप्रेसमध्ये बसले होते. यावेळी बोगी क्रमांक डी २ यामध्ये एक सह प्रवासी महिला तिचा गतीमंद मुलगा व भाच्ची सोबत प्रवास करीत होती. सदर रेल्वे परभणी येथून निघाल्यानंतर सदर महिलेस अचानक छातीत त्रास जाणवू लागला. काही वेळातच त्या निचपीत पडल्या, संपूर्ण अंगाला घाम सुटला होता. या परिस्थितीत इतर प्रवासी मात्र मदतीसाठी एकमेकांना विचारू लागले मात्र प्रत्यक्ष मदतीसाठी कोणीही आले नाही.
दरम्यान, बोगीमध्ये झालेली गर्दी पाहण्यासाठी विजय महाजन व किशोर महाजन तेथे गेले असता दायमा नावाची एक महिला निपचीत पडल्याचे दिसून आले. त्यांची हृदयक्रिया बंद पडत असल्याचे दिसून आले. यावेळी विजय महाजन यांनी त्यांचा क्षणाचाही विलंब न लावता महिलेल्या छातीवर दोन्ही हाताने दाब देऊन त्याच्या ऱ्हदयाला पंपीग केले. सुमारे १० ते १२ मिनीटीच्या प्रयत्नानंतर महिला शुध्दीवर आली.
ST Strike Update : एसटी संप मिटला का? गुरुवारी राज्यात ८ हजार बसेस धावल्या, आता फक्त १० आगार बंद…
त्यानंतर किशोर महाजन यांच्याकडे असलेली गोळी त्यांना दिल्यानंतर महिला स्वस्थ झाली. यावेळी इतर प्रवाशांनी टाळ्या वाजवून महाजन बंधूंचे अभिनंदन केले. त्यानंतर त्यांना जालना येथे त्यांच्या नातेवाईकांच्या हवाली करून रेल्वेतील घडलेला सर्व प्रकार सांगितला. दायमा नामक महिलेसोबतच त्यांच्या नातेवाईकांनीही महाजन बंधूंचे आभार मानले.
चर्चा तर होणारच! पुण्यात भाजप आमदारांकडूनच घरचा आहेर, रस्त्यांवरील खड्ड्यावरून पदाधिकाऱ्यांना सुनावलं
