Nitesh Rane Appears Before Sindhudurg District Session Court | Nitesh Rane : नितेश राणे जिल्हा सत्र न्यायालयात हजर, नियमित जामिनासाठी अर्ज | Maharashtra Times

सिंधुदुर्ग: शिवसेना पदाधिकारी संतोष परब यांच्यावरील हल्ला प्रकरणात नितेश राणे यांचा अटकपूर्व जामीन अर्ज सुप्रीम कोर्टाने फेटाळल्यानंतर, १० दिवसांत त्यांना नियमित जामिनासाठी सिंधुदुर्ग जिल्हा व सत्र न्यायालयात हजर राहून नियमित जामिनासाठी अर्ज दाखल करावा, असे आदेशात म्हटले होते. मात्र, आदेशानंतर दुसऱ्याच दिवशी म्हणजे, आज शुक्रवारी नितेश राणे हे न्यायालयात उपस्थित झाले आहेत. नितेश राणे यांनी नियमित जामिनासाठी अर्ज केला आहे.

nitesh rane : नितेश राणेंना झटका? सुप्रीम कोर्टाने अटकपूर्व जामीन अर्ज फेटाळत दिले ‘हे’ आदेश
nitesh rane case chronology : नितेश राणेंचा अटकपूर्व जामीन फेटाळला, आतापर्यंतच्या घटनाक्रमावर एक नजर

शिवसेना पदाधिकारी संतोष परब यांच्यावरील हल्ला प्रकरणात नितेश राणे यांचे नाव आल्यानंतर ते अडचणीत सापडले आहेत. परब यांच्या हत्येचा प्रयत्न करण्यात आल्याचा आरोप नितेश यांच्यावर करण्यात आला आहे. त्यानंतर या प्रकरणात अटक टाळण्यासाठी सुप्रीम कोर्टात धाव घेतली होती. मात्र, सुप्रीम कोर्टाने अटकपूर्व जामीन अर्ज फेटाळले होते. त्यांना दहा दिवसांत जिल्हा व सत्र न्यायालयात हजर राहून नियमित जामीन अर्ज दाखल करण्यास सांगितले होते. त्यानंतर आजच, शुक्रवारी नितेश राणे हे न्यायालयात हजर झाले आहेत. त्यांनी नियमित जामिनासाठी अर्ज केला आहे. त्यावर सुनावणी सुरू झाली आहे.

आमदारांचं निलंबन रद्द, आता विधानसभा अध्यक्ष अंतिम निर्णय कधी घेणार? नवाब मलिक म्हणाले…
Nitesh Rane:ठाकरे सरकारचा नितेश राणेंच्या अटकेसाठी अट्टाहास, पण सर्वोच्च न्यायालयाने दिलासा दिला: दरेकर

अॅड. सतीश माने शिंदे आणि अॅड. संग्राम देसाई हे नितेश राणे यांच्या वतीने न्यायालयात बाजू मांडणार आहेत. आमदार राणेंसोबत त्यांचे बंधू निलेश राणे हे देखील न्यायालयात उपस्थित आहेत.