February calander update : अवघ्या दोन दिवसांवर फेब्रुवारी महिना येऊन ठेपला आहे. अशातच, आम्ही तुम्हाला सांगणार आहोत की फेब्रुवारी महिन्यात कोणोणते सण येतात. तसेच प्रत्येक दिनाचं वेगळं महत्व नेमकं काय आहे. चला जाणून घेऊयात.
1 February – Indian Coast Guard Day
इंडियन कोस्ट गार्ड (ICG) ही भारताची सागरी कायद्याची अंमलबजावणी आणि शोध आणि बचाव एजन्सी आहे ज्याचे अधिकार क्षेत्र त्याच्या संलग्न क्षेत्र आणि अनन्य आर्थिक क्षेत्रासह आहे.
2 February – माघ महिना सुरुवात
हिंदू पंचांगानुसार अमावस्या तिथीनंतर नवीन महिना सुरू होतो. अशा प्रकारे पौष महिन्याच्या अमावास्येनंतर 1 फेब्रुवारी पासून माघ महिना सुरू होईल. तर त्याचवेळी नवीन माघ महिना सुरू झाल्यावर प्रमुख उपवास सण साजरे केले जातात. 2 फेब्रुवारीला माघ अमावस्या आहे. 2 फेब्रुवारीपासून गुप्त नवरात्रीला सुरुवात होत आहे.
4 February – World Cancer Day
भारतात दरवर्षी हजारो लोकांचा कॅन्सरसारख्या जीवघेण्या आजाराने मृत्यू होतो. 4 फेब्रुवारी रोजी जागतिक कॅन्सर दिवस साजरा करण्यात येतो. कॅन्सरसारख्या गंभीर आणि जीवघेण्या आजाराबाबत जागरूकता पसवण्यासाठी अनेक सामाजिक कार्यक्रमांचे आयोजन करण्यात येतं.
4 February – गणेश जयंती (माघी गणेश जयंती)
गणेशभक्तांसाठी महत्त्वाच्या असणार्‍या सणांपैकी एक म्हणजे माघी गणेश जयंती (Maghi Ganesh Jayanti). गणेश जयंती हा दिवस म्हणजे गणरायाचा जन्मदिन. त्यामुळे काही गणेशभक्त भाद्रपदातील गणेशोत्सवाप्रमाणे गणेश जयंतीला देखील घरोघरी दीड दिवसांच्या गणेशमूर्तीची स्थापना करतात. या निमित्ताने गोडाधोडाचं जेवण बनवून गणेश जयंती साजरी करतात.
5 February to 13 February- Kala Ghoda Festival
देशातील सर्वात मोठा सांस्कृतिक स्ट्रीट फेस्टीवल म्हणून याची ओळख आहे. या फेस्टीवलचं यंदाचं हे तेविसावं वर्ष आहे. दरवर्षी फेब्रुवारी महिन्यात हा फेस्टीवल आयोजित करण्यात येतो. या फेस्टीवलचं वैशिष्ट्य म्हणजे 40 पेक्षा जास्त कलाप्रकार या ठिकाणी पाहायला मिळतात.
5 February – वसंत पंचमी
वसंत पंचमीचा सण 5 फेब्रुवारी रोजी साजरा केला जाणार आहे. वसंत म्हणजे सौंदर्य, शब्दांचे सौंदर्य, वाणीचे सौंदर्य, निसर्गाचे सौंदर्य, प्रवृत्तीचे सौंदर्य. माघ महिन्याच्या शुक्ल पक्षाच्या पाचव्या दिवशी देवी सरस्वतीचा प्रकट दिन साजरा केला जातो. शास्त्रानुसार या दिवशी देवी सरस्वतीचे दर्शन झाले होते.
7 February – रथसप्तमी
हिंदू धर्मीयांच्या मते रथसप्तमी हा सूर्याच्या उपासनेचा दिवस आहे. भविष्य पुराणात असा उल्लेख सापडतो अदिती आणि कश्यप यांचा पुत्र सूर्य याचा हा जन्मदिवस आहे असे मानले जाते. या दिवशी भक्त सकाळी सूर्योदयापूर्वी स्नान करतो.. लाल फुले, चंदन, कापूर अर्पण करून छोट्या कलशातून सूर्याला अर्घ्य देतो.
8 February – Safer Internet Day (second day of the second week of February)
सर्वप्रथम 2004 साली युरोपमध्ये ‘सेफर इंटरनेट डे’ ( Safer Internet Day) साजरा करण्यात आला. ऑनलाइन फ्रॉडच्या वाढत्या घटनांच्या या काळात आपण आपले इंटरनेट अधिक सुरक्षित आणि अधिक जबाबदार पद्धतीने कसं वापरायचं याची माहिती असणं आवश्यक आहे. हा दिवस जगभर ‘सेफर इंटरनेट डे’ म्हणजे सुरक्षित इंटरनेट दिवस म्हणून साजरा केला जातो. ऑनलाइन फ्रॉडच्या वाढत्या घटनांच्या या काळात आपण आपले इंटरनेट अधिक सुरक्षित आणि अधिक जबाबदार पद्धतीने कसं वापरायचं याची माहिती असणं आवश्यक आहे. यासाठी हा दिवस साजरा केला जातो.
10 February – National De-Worming Day
भारतातील सर्व राज्ये आणि केंद्रशासित प्रदेशांमध्ये 10 फेब्रुवारी 2017 रोजी राष्ट्रीय जंतनाशक दिवस 2017 साजरा केला जातो. राष्ट्रीय जंतनाशक दिन हा भारत सरकारच्या आरोग्य आणि कुटुंब कल्याण मंत्रालयाचा देशातील प्रत्येक बालक जंतमुक्त करण्यासाठी एक उपक्रम आहे. अल्प कालावधीत मोठ्या संख्येने मुलांपर्यंत पोहोचणारा हा सर्वात मोठा सार्वजनिक आरोग्य कार्यक्रम आहे.
12 February – Darwin Day
चार्ल्स रॉबर्ट डार्विन हे एक ब्रिटिश पदार्थशास्त्रज्ञ आणि भूवैज्ञानिक होते. विज्ञानाच्या विकासात त्यांचं मोलाचं योगदान आहे. त्यांनी मानवाच्या उत्क्रांतीच्या विविध टप्प्यांना साध्या सरळ प्रयोगांच्या माध्यमाने जगापुढे आणले. चार्ल्स रॉबर्ट डार्विन यांचा जन्म 12 फेब्रुवारी 1809 साली इंग्लंड येथील शोर्पशायर शहरातील श्रेब्स्बुरी या गावी झाला. त्यांचे वडील डॉक्टर होते. त्यांना पाच भावंड होती ते आपल्या पालकांचे पाचवे अपत्य होते. रॉबर्ट डार्वीन त्यांचे वडील एक मुक्त विचारक होते.
12 February – Abraham Lincoln’s Birthday
12 फेब्रुवारी इ.स.1809 हा अमेरिकेच्या इतिहासातील सर्वात लोकप्रिय अध्यक्ष अब्राहम लिंकन यांचा वाढदिवस म्हणून साजरा केला जातो. हा दिवस ‘अब्राहम लिंकन डे’ किंवा ‘लिंकन डे’ म्हणूनही ओळखला जातो. अब्राहम लिंकन हे अमेरिकेच्या संयुक्त संस्थानांचे सोळावे राष्ट्राध्यक्ष होय. ते अमेरिकेतील खूपच लोकप्रिय आणि यशस्वी राष्ट्राध्यक्ष होय.
13 February – जागतिक रेडिओ दिन (World Radio Day)
आजच्या प्रमाणे इंटरनेटचा विकास न झालेल्या काळात रेडिओ हेच एक मनोरंजन आणि शिक्षणाचं माध्यम होतं. दरवर्षी 13 फेब्रुवारी रोजी जागतिक रेडिओ दिवस साजरा केला जातोय. भारतात रेडिओची सुरुवात सर्वप्रथम 1927 साली मुंबईत करण्यात आली.
13 February – Sarojini Naidu Birth Anniversary
भारतीय महान क्रांतिकारक सरोजिनी नायडूंचा जन्म 13 फेब्रुवारी 1979 ला एका बंगाली कुटुंबात झाला. सरोजिनी नायडू एक उत्तम राजकारणी आणि महान स्वातंत्र्य सेनानी होत्या या शिवाय त्या एक फेमिनिस्ट, कवयित्री, आणि आपल्या काळातील एक महान वक्त्या देखील होत्या.
14 February – Valentines Day
आजचा दिवस हा प्रेम व्यक्त करण्याचा दिवस. आपल्या आवडत्या व्यक्तीला आपल्या मनातील भावना सांगण्याचा दिवस. साधारणपणे 1700 वर्षापूर्वी, तिसऱ्या शतकात रोममध्ये व्हॅलेंटाईन नावाचा एक सेन्ट अर्थात संत होऊन गेला. त्यावेळी रोममध्ये क्लॉडियस दुसरा या राजाचे राज्य होतं. या राजाला जग जिंकण्याची मनिषा होती. त्यामुळे सतत युद्ध करणे हा याचा छंद होता किंवा सवय होती असे आपण म्हणू शकतो.
16 February – संत रविदास जयंती
संत रविदास यांचा जन्म सन 1398 मध्ये काशी येथे झाला. चर्मकार समाजाच्या रविदासांचा वडिलोपार्जित धंदाही चामड्यापासून पादत्राणे व अन्य वस्तू बनविणे हा होता. परंतु, रविदास लहानपणापासून ईश्वरभक्तीकडेही वळले होते. वाईट कर्म त्यागून परमेश्वर भक्तीकडे जा तोच खरा मार्ग आहे, असे त्यांचे म्हणणे होते.
18 February to 27 February – ताज महोत्सव
शाहजहानने 1628-1658 काळापासून पाचवे मुघल सम्राट म्हणून राज्य केले आणि त्याची आवडती पत्नी मुमताज महलच्या मृत्यूनंतर तिची आठवण म्हणून ताजमहाल बांधले. … मुघल काळाच्या आठवणींना उजाळा देण्यासाठी, ताज महलसमोर फेब्रुवारीमध्ये ‘ताज महोत्सव’ नावाचा 10 दिवसांचा वार्षिक कार्यक्रम साजरा केला जातो.
19 February – छत्रपती शिवाजी महाराज जयंती (तारखेनुसार)
इ.स. 19 फेब्रुवारी 1630 (तारखेप्रमाणे) रोजी पुण्यापासून 40 मैल अंतरावर असणाऱ्या शिवनेरी किल्ल्यावर शिवरायांचा जन्म झाला. हिंदवी स्वराज्याचे संस्थापक छत्रपती शिवाजी महाराज यांची आज जयंती आहे. महाराजांच्या स्वभावातील सहिष्णुता, दूरदृष्टी, करारीपणा व धाडसी वृत्ती अशी काही वैशिष्ट्ये शिवाजी महाराजांची सांगता येतील. शिवाजी महाराजांच्या अनेकविध गोष्टी आजही समाजाला प्रेरणा देतात.
20 February – Arunachal Pradesh Foundation Day
अरुणाचल हे 20 फेब्रुवारी 1987 रोजी भारताचे 24 वे राज्य बनले. 1962 पूर्वी अरुणाचल हे नॉर्थ-ईस्ट फ्रंटियर एजन्सी (NEFA) म्हणून ओळखले जात होते. 1972 मध्ये ते केंद्रशासित प्रदेश बनले आणि त्याला अरुणाचल प्रदेश असे नाव मिळाले. आणि 20 फेब्रुवारी 1987 रोजी त्याचे नाव भारतीय संविधानात 24 वे राज्य म्हणून नोंदवले गेले.
20 February – World Day of Social Justice
दरवर्षी 20 फेब्रुवारीला जागतिक सामाजिक न्याय दिवस असतो. सामाजिक न्यायाबद्दल जनजागृती करणं, हा या दिवसामागजचा मुख्य हेतू. थेट मानवतेशी संबंध असणाऱ्या या दिवसाची सुरुवात संयुक्त राष्ट्रांकडूनच करण्यात आली. विविध स्तरांवर होणारा भेदभाव दूर लोटत एकतेच्या मार्गावर सर्वांनाच एकवटणं हा हासुद्धा त्यामागचा आणखी एक हेतू.
20 February – संकष्ट चतुर्थी
संकष्टी चतुर्थी म्हणजे संकटाचा पराभव करणारी चतुर्थी. संकष्टी हा संस्कृत भाषेतून आलेला शब्द आहे, ज्याचा अर्थ ‘कठीण प्रसंगातून सुटका’ असा होतो. संकष्टी चतुर्थी हा हिंदू धर्माचा प्रसिद्ध सण आहे. हिंदू मान्यतेनुसार कोणतेही शुभ कार्य करण्यापूर्वी गणेशाची पूजा केली जाते. इतर सर्व देवतांमध्ये गणेशाची पूजा प्रथम मानली जाते.
21 February – International Mother Language Day
आंतरराष्ट्रीय स्तरावर बहुभाषावादाला प्रोत्साहन देण्यासाठी, भाषिक आणि सांस्कृतीक विविधतेला चालना देण्यासाठी दरवर्षी 21 फेब्रुवारीला संयुक्त राष्ट्र संघटनेतर्फे आंतरराष्ट्रीय मातृभाषा दिवस साजरा करण्यात येतो. आंतरराष्ट्रीय मातृभाषा दिवस युनेस्कोच्या वतीनं (UNESCO) 1999 साली पहिल्यांदा साजरा करण्यात आला. त्याला संयुक्त राष्ट्र संघटनेच्या आमसभेने 2002 साली मान्यता दिली.
23 February – संत गाडगेबाबा जयंती
गाडगे बाबा यांचा जन्म 23 फेब्रुवारी 1876 रोजी अमरावतीतील शेंडगाव येथे झाला. ते महाराष्ट्र राज्यातील एक कीर्तनकार, संत आणि समाजसुधारक होते. त्यांनी स्वेच्छेने गरीब रहाणी स्वीकारली होती. गाडगे महाराजांची सामाजिक न्याय, सुधारणा आणि स्वच्छता या विषयांत जास्त रुची होती.
24 February – जागतिक मुद्रण दिन (Printers’ Day)
प्रत्येक वर्षी 24 फेब्रुवारी हा दिवस ‘जागतिक मुद्रण दिन’ म्हणून जगभर साजरा केला जातो. मुद्रणकलेचा जनक योहानेस गुटेनबर्ग यांचा जन्मदिन ‘जागतिक मुद्रण दिन’ म्हणून साजरा केला जातो. मुद्रण कलेच्या शोधामुळेच आज आपण वैचारिकदृष्ट्या समृद्ध आहोत. आज आपण सोशल मीडिया क्षेत्रात केलेली प्रगतीही मुद्रण कलेचा उत्तम नमुना आहे.
25 February – रामदास नवमी
समर्थ रामदासस्वामी (नारायण) यांचा जन्म श्रीक्षेत्र जांबसमर्थ या गावी (जालना जिल्हा) शके 1530 (सन 1608) मध्ये रामनवमीच्या दिवशी म्हणजे चैत्र शुद्ध नवमीस, रामजन्माच्याच शुभमुहूर्तावर, म्हणजे माध्याह्नी झाला. ठोसरांचे घराणेच सूर्योपासक होते. नारायण सात वर्षांचे असतांनाच वडील सूर्याजीपंतांचे निधन झाले.
26 February – स्वातंत्र्यवीर सावरकर पुण्यतिथी
विनायक दामोदर सावरकर यांचा जन्म 28 मे रोजी नाशिकच्या भगूर येथे झाला. ते भारतीय स्वातंत्र्यसैनिक, राजकारणी, समाजसुधारक, मराठी कवी व लेखक होते. तसेच ते हिंदू तत्त्वज्ञ, आणि भाषाशुद्धी व लिपिशुद्धी ह्या चळवळींचे प्रणेते होते. 26 फेब्रुवारी 1966 रोजी त्यांची पुण्यतिथी साजरी केली जाते.
27 February – मराठी राजभाषा दिन (Marathi languague Day)
महाराष्ट्र राज्य सांस्कृतिक धोरण 2010 मध्ये कवी कुसुमाग्रज यांचा जन्मदिवस २७ फेब्रुवारी हा मराठी भाषा गौरव दिन म्हणून नमूद केलेले आहे. 1 मे 1960 ला महाराष्ट्र राज्याची स्थापना झाली, तेव्हापासून “1 मे” दिवस हा मराठी राजभाषा दिन किंवा मराठी भाषा दिन म्हणून साजरा केला जातो.
28 February – राष्ट्रीय विज्ञान दिन (National Science Day)
सुप्रसिद्ध शास्त्रज्ञ डॉ. वसंतराव गोवारीकर 1987 साली भारत सरकारच्या विज्ञान आणि तंत्रज्ञान खात्याचे सचिव असताना त्यांनी ज्या अनेक योजना सुरू केल्या त्यातील एक योजना म्हणजे देशात विज्ञानाचे वातावरण निर्माण करण्यासाठी दरवर्षी 28 फेब्रुवारीला राष्ट्रीय विज्ञान दिन साजरा करणे. … अखेर ती तारीख निघाली 28 फेब्रुवारी.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह – ABP Majha
