नंदुरबार न्यूज़ लाइव: Gandhidham Express Fire : नंदुरबारमध्ये गांधीधाम एक्सप्रेसला भीषण आग – gandhidham express fire a huge fire broke out on gandhidham express in nandurbar

नंदुरबार : नंदुरबारमध्ये रेल्वेच्या डब्याला आग लागल्याची धक्कादायक माहिती समोर आली. गांधीधाम पुरी एक्सप्रेस गाडीला नंदुरबार स्थानकाच्याजवळ अचानक आग लागली. या आगीचे कारण अद्याप समजू शकलेलं नाही. मात्र, रेल्वे स्टेशनच्या आत येण्याआधीच गाडीने अचानक पेट घेतला. त्यामुळे प्रवाशांमध्ये भीतीचं वातावरण आहे.

रेल्वे प्रशासनाकडे कुठलीही उपाययोजना नसल्याने आगीने रौद्ररूप धारण केलं होतं आग वाढ असल्याचं लक्षात येताच तातडीने अग्निशमन दलाला पाचारण करण्यात आलं आणि यानंतर आग विझविण्याचे अथक प्रयत्न सुरू झाले. इतकेच नाही तर बऱ्याच प्रमाणात आग विझवण्यात आली आहे.

अवैध धंदे बंद करण्याच्या मागणीसाठी भाजप आमदारांचं टोकाचं पाऊल, आजारी असतानाही…

गेल्या दोन तासापासून यामुळे जळगाव ते सुरत मार्गावरील सर्व रेल्वे खोळंबल्या आहेत. प्रवाशांची गर्दी वाढली असून विद्युत पुरवठादेखील खंडित झाला आहे. यामुळे करोनाच्या काळात स्थानकावर गर्दी झाली असून भीतीचं वातावरण आहे. दरम्यान, या प्रकरणी अधिक तपास सुरू असून आग नेमकी का लागली? याचाही शोध सुरू आहे.

Weather Alert : पुन्हा आस्मानी संकट; ‘या’ राज्यांमध्ये पावसाची शक्यता, हवामान खात्याकडून अलर्ट जारी