वॉशिंग्टन / बिजिंग :

रशिया आणि युक्रेन दरम्यान सुरू असलेल्या तणावादरम्यान चीनकडूनही संधी साधण्याचा प्रयत्न केला जातोय. स्वतंत्र तैवानच्या मागणीला अमेरिकेनं समर्थन दिलं तर दोन्ही देशांत युद्ध निश्चित असल्याची धमकीच उघडपणे चीननं अमेरिकेला दिलीय.

दक्षिण चीन समुद्रातील तणावपूर्ण वातावरणा दरम्यान ‘तैवान हा चीन आणि अमेरिका यांच्यातील सर्वात स्फोटक मुद्दा‘ असल्याचं वक्तव्य अमेरिकेतील चीनचे राजदूत किन गँग यांनी नुकतंच एका रेडिओ मुलाखतीत केलं होतं.

गँग यांच्या म्हणण्यानुसार, तैवानच्या अधिकाऱ्यांनी स्वातंत्र्याची मागणी लावून धरली तर अमेरिका आणि चीनमध्ये लष्करी संघर्ष होण्याची शक्यता आहे.

दुसरीकडे, चीनच्या या धमकीवर प्रत्यूत्तर देताना ‘आपण अजूनही ‘एक चीन’ धोरण आणि अमेरिका-तैवान संबंध कायद्यावर कायम असल्याचं’ अमेरिकन संरक्षण मंत्रालय ‘पेंटागॉन’नं म्हटलंय.

अमेरिकेकडून दीर्घकाळापासून तैवानऐवजी चीनला मान्यता देण्यात आलीय. परंतु तैवान संबंध कायद्यांतर्गत तैपेईच्या बचाव करण्यासाठी मदतदेखील अमेरिकेकडून पुरविली जात आहे.

‘तैवानला स्वतःचा बचाव करण्यासाठी आवश्यक ती मदत पुरवत राहू. यासोबतच आम्ही आमची क्षमताही कायम ठेवू जेणेकरुन बळजबरीनं तैवानच्या नागरिकांची सुरक्षा धोक्यात आणण्याचा प्रयत्न करण्यात आला तर त्यांना चोख प्रत्युत्तर देता येईल’, असं पेंटागॉनच्या प्रवक्त्यांनी स्पष्ट केलंय.

यापूर्वी, चीनचं वृत्तपत्रं ‘ग्लोबल टाइम्स’नंही तैवानला वाचवण्यासाठी अमेरिकेनं लष्करी मदत धाडल्यास चिनी सैनिक त्यांच्यावरही गोळीबार करण्यास मागेपुढे पाहणार नाहीत, अशी धमकी दिली होती.
Brahmos Missile: ‘फिलिपिन्स’ बनला भारतनिर्मित ‘ब्राम्होस’चा पहिला खरेदीदार; २७७० कोटींचा करार
Russia Ukraine Crisis: युक्रेनविरुद्ध युद्धाबद्दल पुतीन यांचं मौन अखेर सुटलं
काय आहे चीन-तैवान वाद?

तैवान हा छोटा देश चीनच्या आक्रमकतेला आणि विस्तारवादी भूमिकेला सडेतोड प्रत्यूत्तर देत आहे. स्वतंत्र तैवानला अमेरिका आणि जपानचा उघड पाठिंबा आहे. गरज पडलीच तर संभाव्य संयुक्त ऑपरेशनचा एक ड्राफ्ट प्लानही जपान आणि अमेरिकेच्या सशस्त्र दलांनी तयार केलाय.

लोकशाही पद्धतीनं शासित असलेल्या तैवानवर चीननं आपलाच भूभाग असल्याचा दावा केलाय. आपला दावा आणखीन मजबूत करण्यासाठी लष्करी आणि राजनैतिक दबावासहीत अनेक चाली चीनकडून खेळल्या जात आहेत. चीनच्या या वृत्तीमुळे तैपेईमध्ये संतापाचं तर वॉशिंग्टनमध्ये चिंतेचं वातावरण आहे.

आपण शांततेचं समर्थन करतो, परंतु, आवश्यकता भासल्यास स्वत:च्या बचावासाठी मैदानात उतरण्यापासून मागे हटणार नाही, असं तैवान सरकारनं स्पष्ट केलंय.

वाचा : ‘निओकोव्ह’ या नव्या विषाणूसंबंधी तुमच्या मनातील प्रत्येक प्रश्नाचं उत्तर…

वाचा : ‘फिलिपिन्स’ बनला भारतनिर्मित ‘ब्राम्होस’चा पहिला खरेदीदार; २७७० कोटींचा करार

LEAVE A REPLY

Please enter your comment!
Please enter your name here