today accident news in kanpur: Breaking : रात्री उशिरा ई-बसने १७ वाहनांना चिरडलं, ६ लोकांचा जागीच मृत्यू – big accident in kanpur late night uncontrollable e bus rammed 17 vehicles six people died

कानपूर: कानपूर (Kanpur News) मध्ये काल रात्री ताटमिल चौकाजवळ एका अनियंत्रित इलेक्ट्रिक बसने १७ वाहनांना धडक दिल्याची(Electric Bus Accident) माहिती आहे. या अपघातात ६ जणांचा जागीच मृत्यू झाला, तर १२ हून अधिक जण जखमी झाले आहेत. या घटनेमुळे संपूर्ण परिसरात खळबळ उडाली असून घटनास्थळी बचावकार्य सुरू असल्याची माहिती देण्यात आली आहे.

अधिक माहितीनुसार, जखमींपैकी ७ जणांना ताटमिल येथील कृष्णा हॉस्पिटलमध्ये आणि चार जणांना हॅलेट हॉस्पिटलमध्ये दाखल करण्यात आले आहे. यातील अनेकांची प्रकृती गंभीर असल्याचे सांगण्यात येत आहे. लोकांना पायदळी तुडवून पळून जाण्याच्या प्रयत्नात असताना टॅटमिल चौकाजवळ ही ई-बस एका डंपरला धडकली. मात्र, ई-बसचा चालक संधी मिळताच तेथून निघून गेला.
Omicron latest update: मोठा दिलासा! आज राज्यात ओमिक्रॉनचे ५ नवे रुग्ण, सर्व पुण्यातील
रविवारी रात्री ११.३० वाजण्याच्या सुमारास ही इलेक्ट्रिक बस घंटाघर चौकातून टाटमिलच्या दिशेने भरधाव वेगाने जात होती. पूल उतरताच चालकाने बस विरुद्ध दिशेने चालवण्यास सुरुवात केली आणि मध्येच जो दिसेल त्याला तुडवत निघून गेला. या अपघातात सहा जणांचा जागीच मृत्यू झाला, त्यापैकी तिघांची ओळख पटली आहे.

या अपघातात मृत्युमुखी पडलेल्यांमध्ये लतुश रोड येथील २६ वर्षीय शुभम सोनकर, २५ वर्षीय ट्विंकल सोनकर आणि बेकनगंज येथील २४ वर्षीय अर्सलान यांचा समावेश आहे. त्याचबरोबर अन्य मृतांची ओळख पटवण्याचं काम पोलीस करत आहेत.

आरएम डीव्ही सिंह यांनी दिलेल्या माहितीनुसार, हा अपघात ई-बस क्रमांक UP 78 GT 3970 बसला झाला. खाजगी एजन्सी पीएमआय ई-बसच्या संचालन आणि देखभालीसाठी जबाबदार आहे. त्याच्याकडून स्पष्टीकरण मागवण्यात आले आहे. या संपूर्ण प्रकरणाची चौकशी करून कारवाई केली जाईल. दरम्यान, पोलीस परिसरात बसवण्यात आलेल्या सीसीटीव्ही कॅमेऱ्यांचे फुटेजही तपासत असून, त्यातून हा अपघात कसा घडला हे स्पष्ट होईल.

भाजप आमदाराकडून राष्ट्रवादीच्या नेत्याला २५ कोटी रुपयांच्या अब्रुनुकसानीच्या दाव्याची नोटीस