औरंगाबाद न्यूज़ मराठी: औरंगाबादसह मराठवाड्याला मोठा दिलासा, करोनासंबंधी महत्त्वाची माहिती समोर – the number of corona patients is declining in marathwada

औरंगाबाद : जानेवारीच्या सुरवातीपासून करोनाच्या रुग्ण संख्येत झपाट्याने होणारी वाढ आता घटतांना दिसत आहे. मराठवाड्यात रविवारी दिवसभरात एकूण १ हजार ८८५ रुग्ण आढळले, तर शनिवारी २ हजार ३९५ रुग्ण समोर आले होते. त्यामुळे औरंगाबादसह मराठवाड्याला दिलासा मिळाला आहे.

रविवारी औरंगाबाद जिल्ह्यात ४७४ रुग्णांची वाढ झाली तर, लातूर ३५०, नांदेड ३०५, उस्मानाबाद १९४, बीड १७७, जालना १४७, हिंगोली १३६, परभणीत १०२ रुग्णांची संख्या वाढली असून, दिवसभरात मराठवाड्यात एकूण १ हजार ८८५ रुग्ण आढळून आले आहेत. विशेष म्हणजे शनिवारी हा आकडा २ हजाराच्या पुढे होता.

Accident News: लग्नसमारंभासाठी निघालेल्या वऱ्हाडाच्या गाडीला अपघात, ४ जण ठार; २२ जखमी
औरंगाबाद शहरात ५० टक्क्यांनी घसरण…

अचानक वाढणारा करोना रुग्णांचा आलेख झपाट्याने ओसरत असल्याचे पाहायला मिळत आहे. औरंगाबाद शहरात रुग्णांची संख्या पन्नास टक्क्यांनी घसरली आहे. २३ जानेवारीला औरंगाबाद शहरात ७७९ रुग्ण आढळून आले होते. तोच आकडा ३० जानेवारीला ३२२ वर आला आहे. त्यामुळे औरंगाबादकरांना दिलासा मिळताना पाहायला मिळत आहे.

सर्वाधिक रुग्ण होम आयसोलेशनमध्ये….

रुग्ण मोठ्याप्रमाणात पॉझिटिव्ह आढळून येत असले तरीही रुग्णांमध्ये सौम्य लक्षणे पाहायला मिळतायत, म्हणून रुग्ण मोठ्याप्रमाणात होम आयसोलेशनला पसंती देत आहे. औरंगाबाद शहरात ४ हजार २७४ रुग्ण होम आयसोलेशन असून, घरीच उपचार घेत आहे.

Accident in Kanpur Breaking : रात्री उशिरा ई-बसने १७ वाहनांना चिरडलं, ६ लोकांचा जागीच मृत्यू